Yacedkel 1:3 - NABUWWA KEE MALIKWA

³ YALLIH qangara yol obteeh; YALLI yo'lih yaabe waqdi, kay yab oobbeh, kay qande yoh tumbulle.

Yacedkel 1:3 Iomraidhean Croise

1 Malikwa 18:46

YALLIH qande Eliyyasal gacte. Too waqdi Eliyyas saro isik axcal kariqqa heeh, Acab-gaarik-foocat Yidraqel magaala fan yerde.

2 Malikwa 3:15

sarrak «Gexay saareh yaaguren duyye digira num yoh baaha» iyye. Woo num yemeeteh, saareh yaaguren tiya yoogore waqdi, YALLIH *Roocaaniyya Eliisaqal obte.

Ermiyaas 1:2

Amón-Yoosiyaahu Yuudâ-rasul malik edde yekke taban kee sidochaytô sanatat, YALLIH qangara Ermiyaasal obteeh;

Ermiyaas 1:4

Ermiyaas iyyeemih, «YALLIH qangara yol obteeh yok iyyemii, ‹Rooci kot hayyaay koo uysubukka haamak dumal elle, koo eexegeeh koo dooreh sugeeh; baadal tan ummattah yi qangara warissa'gidiiy, nabi takke'gidih, ummat addak a taamah yaguude num koo abe› yok iyye» iyye.

Ermiyaas 29:15

«Tonnah kaadu siinik iyyaamah, ‹YALLI, elle genxe baaxol nabuwway kay farmo bahtu wayta, neh ruube 'yaanam intaanam takkeh immay siinik axceemih, tamah anu ruube mara hinnaay; siinil yaceenim diraaba.

Yacedkel 1:1

Anu Buudi-baxa Yacedkel kinniyooh, soddomhaytô-sanatak fereyhaytoh alsak konoyhaytoh ayrot, Baabeloonul Kabar-weeqaytuk xaqut, Yuudâ-maray seewah beenihiyya lih an waqdi, qaran fakkimma 'yeeh; too waqdi Yallih wacyi yol oobe. Too wacyi elle ublem, Baabelon rasuk Kabar weeqaytu deqsita aracih garik ten.

Yacedkel 10:15

Ta galwa lem qaran fan tewqe. Kabar deqsita weeqaytih garil duma wacyih uble rooci-lem ceelak yenen.

Yacedkel 12:13

Anu too waqdi inni oflo qideyyooh, too oflot kaa abbixeyyo. Tokkeek Baabelon kaa beeloonuuh; tokkel elle yani'kke isik able'kal rabele.

Yacedkel 3:14

YALLIH qande maqar luk xagarat yok culte. Yallih Roocaaniyya yoo tukkuqe waqdi, tu'naqabu kee bagcarra xagarat yok culte.

Yacedkel 3:15

Too waqdi Tel-Abib deqsitta qunxa magaala-baxay Kabar deqsita weeqaytuk garit tanihiyya fan emeete. Israayil maray seewah beenihiyya elle yanim, tokkek ten. Tokke emeete waqdi, inni intih ublem kee aytih oobbeemih sabbatah, cisabboowak malcina ayro elle daffee.

Yacedkel 3:22

Tohuk lakal YALLIH qande yol gacah uble. Lakal, «Ugutay golo fanah gex. Wokkel kaadu ko'lih yaabam faxam liyok» yok iyye.

Yacedkel 3:23

Too waqdi golo fan oobe. Tokkel duma Kabar deqsita weeqaytih garil an waqdi elle uble'nnal, YALLIH nabna yoh tumbulle. Too waqdi baaxol gomboh rade.

Yacedkel 33:22

Carra woo num yamaatek dumal, YALLIH gaba yol gacah yoh tumbulle. Saaku too num yol yamaatek dumal, akah suge duudak YALLI af yoo geysiiseh. Tohuk wadir yaabay affaruk sugehiyya yaabam qimbise.

Yacedkel 37:1

YALLIH gaba xagaral yok gacteeh, isi Roocaaniyyat beyya yoo heeh, golok gudel daffessa yoo hee. Woo goloh addal mango lafoofi ten.

Yacedkel 40:1

Seewah nee edde been labaatanna kee konoyhaytô sanat tikkaay, allî baaxoh mari Yarusalaam yibbixeemih taban kee fereyhaytô sanat tikka 'yeh, qusba sanat culeemih tabanhaytoh ayro tikka 'te saaku, YALLIH qande maqar luk yol gacteeh, too qande fayya yoo hayteeh yoo beyteh.

Yacedkel 43:3

Woo waqdi wacyih ublem, Yalli Yarusalaam bayisa'gidih yemeete saaku ublem ceelak ten. Kabar deqsita weeqaytih garil uble wacyi kaadu, ta wacyi ceelak yen. Too waqdi gomboh baaxol rade.

Yacedkel 8:1

Seewah nee edde been laceyhaytô-sanatak laceyhaytoh alsak konoyhaytoh ayrot, Yuudâ-baaxol yok kaxxih seewah been idoola lih, inni buxah addal malâ daffeynat an waqdi, Mulki le Dageltih qande garcik yol obte.

Daaniyel 10:4

Sanatak naharsi alsak labaatanna kee fereyhaytoh ayro, Tigras deqsita kaxxa weeqaytih xaqul soolak suge.

Hosiqa 1:1

Quddiyya kee Yootam kee Acad kee Ciskiyyaahu Yuudâ-rasul malikwah sugteeh, Israayil rasul kaadu Yahoqás-Yarobqam malikih suge dabaanal, YALLI Beqeerí-Hosiqal farmo ruube. Ruube farmo ah teeti.

Ayyuqel 1:1

YALLI Fatuwél-Ayyuqel deqsita nabil ruube farmo ah teeti.