Yacedkel 1:1 - NABUWWA KEE MALIKWA

¹ Anu Buudi-baxa Yacedkel kinniyooh, soddomhaytô-sanatak fereyhaytoh alsak konoyhaytoh ayrot, Baabeloonul Kabar-weeqaytuk xaqut, Yuudâ-maray seewah beenihiyya lih an waqdi, qaran fakkimma 'yeeh; too waqdi Yallih wacyi yol oobe. Too wacyi elle ublem, Baabelon rasuk Kabar weeqaytu deqsita aracih garik ten.

Yacedkel 1:1 Iomraidhean Croise

Yasaqya 1:1

A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

Yasaqya 6:1

Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Ermiyaas 29:15

«Tonnah kaadu siinik iyyaamah, ‹YALLI, elle genxe baaxol nabuwway kay farmo bahtu wayta, neh ruube 'yaanam intaanam takkeh immay siinik axceemih, tamah anu ruube mara hinnaay; siinil yaceenim diraaba.

Yacedkel 1:3

YALLIH qangara yol obteeh; YALLI yo'lih yaabe waqdi, kay yab oobbeh, kay qande yoh tumbulle.

Yacedkel 10:1

Woo galwa leemih moyyak daga raaqa aracay qari-amoh ceelo lehiyya fanah wagga hee waqdi, too tiyak daga, malik elle gaca korsih innah taniimiy safir deqsita luuluk bicseenim celtahiyya uble.

Yacedkel 10:15

Ta galwa lem qaran fan tewqe. Kabar deqsita weeqaytih garil duma wacyih uble rooci-lem ceelak yenen.

Yacedkel 10:20

Wagga ken hee waqdi, Kabar-weeqaytih garil suge saaku, Israayil doore Dageltih daffeynah korsih gubal uble rooci-lem kinnim eexegeh.

Yacedkel 10:22

Foocitte keenik kaadu, Kabar-weeqaytih garil suge saaku uble foocitte ceelak ten. Kulli tiiy keenik fooca fanah gexe.

Yacedkel 11:24

Sarrak Yallih Roocaaniyya ukkuqqa yoo hayteh, Baabeloonuy seewah yoo elle yabbixeenihiyya fanah yoo bahte. Toh, suwaawur gurrah ubleeh; Baabelon gufek wadir abaluk maraaqinniyo.

Yacedkel 3:15

Too waqdi Tel-Abib deqsitta qunxa magaala-baxay Kabar deqsita weeqaytuk garit tanihiyya fan emeete. Israayil maray seewah beenihiyya elle yanim, tokkek ten. Tokke emeete waqdi, inni intih ublem kee aytih oobbeemih sabbatah, cisabboowak malcina ayro elle daffee.

Yacedkel 3:23

Too waqdi golo fan oobe. Tokkel duma Kabar deqsita weeqaytih garil an waqdi elle uble'nnal, YALLIH nabna yoh tumbulle. Too waqdi baaxol gomboh rade.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Yacedkel 43:3

Woo waqdi wacyih ublem, Yalli Yarusalaam bayisa'gidih yemeete saaku ublem ceelak ten. Kabar deqsita weeqaytih garil uble wacyi kaadu, ta wacyi ceelak yen. Too waqdi gomboh baaxol rade.

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Hosiqa 12:10

«Nabuwwal wacyi oobiseeh, ‹Yi ummata lih yaabaay, maabina isinni Dageltal uduura keenik inxica› exce.

Ayyuqel 2:28

«Sarrak kulli maral inni Roocaaniyya oobiseyyo. Siinik lab-xaylo kee say-xaylo yi farmo sinaamah warsele. Idoola siinik soono sooniteleeh; furrayna siinik sirri innah tanim ablele.