Qobadya 1:7 - NABUWWA KEE MALIKWA

⁷ Wakalih luk sugten mari sin makele. Too mari qeebi siinit abeloonuuh, qeebil siinik ayselon. Sarrak baaxok sin ayyaaqelon. Qalla sin lih luk yen mari wadir sin ganele. «Oson luk sugen kas anke keenik gexee?» siinik axcelon.

Qobadya 1:7 Iomraidhean Croise

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 30:14

Naqboytat aban atka siinit abe; siinit tekke digaala, gibdi digaala. Toh siinik akah abem, dambi siinik manguk sugeeh; edde sugteenim kaxxa umaane kinniimih sabbata. Tonna leemiik qalla-sin-lih-luk-suge-mari sin hawweenih; siinit waanam malon.

Ermiyaas 38:22

Wacyih maca tublee? intek, Yuudâ-malikih buxal raaqe agabuy Baabelon-qaskarih-abbobtih fan salafat akak gacca 'yeenih beyaanahiyya uble. Too agbi too waqdi kok axcuk yeneemih, ‹Malik kaxxam aamanuk yen kataysis gitak kaa hoxisseeh isinni amrih gubat kaa heen. A saakuy ibi kallat kaak culehiyya kay kataysis kaal makteh kaa cabeenih gexen› 'yaanam axcih ken uble» kaak iyye.

Ermiyaas 4:30

Yarusalaamey, baati koo tibbixek, sugay abtam macaay? Qax-meqe sartanat macah gacta? Dahabak bicsen bila xagarat bilqah macah hayta? Intil kucul macah isik hayta? Foyyah bilqitta'kkal, koo kicinuk suge mari kok cayyeh. A saaku koo qidaanam faxan.

Ermiyaas 49:7

Edom giddinaamak YALLAY Nabaamak Nabahiyya iyyem ah teeti. «Edom mari luk yen kas cabeh innaa? Ken fayisak yen marih kas manke gexeeh? Oson luk yenen kas keenik kuuleh maay maacise?

Hosiqa 13:13

Israayil mari kas weeh, meqe mano cineenih; inâ-bagut yan baxay awqe cine yekken.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.