Qedra 9:8 - NABUWWA KEE MALIKWA

⁸ «Tonna'mmay YALLAW, ni Dageltaw, dago uddur kinni way, maqaaneh addat nee sugusse. Baatik saaboh raaqe marak edde sugne naqoosinnak nee kalteh. A baaxoy taahirik tanil amaanah nee tabbixe. Edde sugne naqoosinnak dagom kalla nee hayteh, qusba manot nee hayte.

Qedra 9:8 Iomraidhean Croise

2 Malikwa 19:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab» 'yaanam farmoh kaah ruube.

Qedra 9:9

Naqoosah sugne'mmay, kooy ni Dagelta kinnihiyya nee mamaaqilinnaay, ku kacanuy aggiriqe sinnihiyya nee dacrisak, Fursi-malik ni yab oggola num abte. Ku qariy yiddigilleh sugehiyya xisnuuy, akkel Yarusalaam kee Yuudâ-rasul amaanah xinna'gidih, akke nee ruubaamih taama too malikih gabat absisse.

Nacmiya 1:11

Yooy ku naqasuh yani kee ku naqoosay ku migaq taynabehiyya abta dooqa nek macinin. A saaku faxam yoh aba'gidih, malik bagu yoh xabbacos» 'yaanam exce. Too saaku taamah luk enem, malikih qinab elle yaaqube kobbaaya xayyoosa marak abbah en.

Nacmiya 9:31

Ku racmatta caddo maliiy, tohuk gexxaamah darre keenit macabinnitooy, bayi ken mahannito. Kaxxa maqaane kee racmatta le Dagelta kinnito.

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 14:3

YALLI, isin luk sugten biyaakak sin urseleeh; cisabbootiyyak amaanah sin xiinisele. Dirkih sin absiisak sugen gibdi taamak sin ayfoofele.

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 6:13

Baaxô-bagul bool yakke marak tabna num raqtaamah, naqboytit qagitak baaxo warareleeh, baaxot gira ruubelon. Takkay immay yirgiqen caxak buxux elle raaqe'nnal, taahirik yan dariyyuy sarra yaabuku waa raaqele» yok iyye.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Ermiyaas 44:14

Yuudâ-maray Masri fan gexehiyyak num raaqe'kal inkih ambaxelon. Yuudâ-rasuy madaarah akah maxhaxak sugeenihiyya ahaysa num keenik mayaduura. Dago maray meysih kudek sah, isi baaxo num siinik mayaduura› 'yaanam keenik inxic» iyye.

Yacedkel 14:22

Too marak dago agabu kee labhay too digaalak raqqa 'tehiyya, sin fan amaateloonuh; nagay ken cubbussan waqdi, uma mara kinnoonum keenik abletton. Too waqdi Yarusalaam marat abe digaala celta digaala kinnim elle aaxigetton.

Hosiqa 6:2

Namma ayro kee sidiica ayrot, mano net gacseleeh; kay xaqul anenno.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.

Xafanya 3:12

Tokkel too saaku niya akak baxaqteh, kaxxiina xagarat aalle waa maray faxaamah yoo kallacahiyya raaqiseyyo.

Zakariyya 10:4

Yuudâ marih addak baaxo xiinisaah, sahda miraacisa mara kee qaskar abbobti awqele. Oson rakiibo akkelon. Siraq edde daabisan birtaay, carbi edde aban macaxi innah qande le mara akkelon.

Zakariyya 8:12

Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.

Zakariyya 8:6

Taham away raaqe marat numma macelta'mmay, tahat yabtam yoo YALLAY Nabaamak Nabahiyya. Yoh akke waytam matanaay, anu affarem mayyum yaaxigeenimi.

1 Samuwel 14:27

Yonaatanah tu gactek, kay abba, «A saaku maaqo akminnaan numul abaaro obtay» iyyem yoobbeh mananna. Tonna-leemiik gabat abbaxuk suge caxxa woo malab edde yan gorrat rubbu heeh malab yeyyeeqeeh, yokme. Too waqdi namma inti kaak fakkinteh.

1 Samuwel 14:29

Yonaatan too waqdi iyyemii, «Yi abba ni maral baahem kaxxam umaamak tanih tan. Anu away malabak tu'baxa okmeemih namma inti yok fakkintem maay tablen?