Qedra 9:10 - NABUWWA KEE MALIKWA

^10-11 «Hay, taway tekkeemik maca innuu, ni Dageltaw? Duma ku naqoosah ten ku nabuwwah gabat neh rubte amri cinneh. A saaku kaadu ku amri cinaanamat qaginneh. Too nabuwwa, ‹Ama dabaaqah elle gactoonu waytan baaxo, tet addal yan marih sabbatah, nadaasa tekke› 'yaanam nek iyyeenih yenen. ‹Ta mari ama rasuk woo exxaay a exxa umâ-yabulih tan taamat baysen› 'yaanam iyyeenih yenen.

Qedra 9:10 Iomraidhean Croise

Qedra 9:9

Naqoosah sugne'mmay, kooy ni Dagelta kinnihiyya nee mamaaqilinnaay, ku kacanuy aggiriqe sinnihiyya nee dacrisak, Fursi-malik ni yab oggola num abte. Ku qariy yiddigilleh sugehiyya xisnuuy, akkel Yarusalaam kee Yuudâ-rasul amaanah xinna'gidih, akke nee ruubaamih taama too malikih gabat absisse.

Nacmiya 9:30

Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.

Nacmiya 9:34

Ni kaxxa abbobtiiy, ni malikwaay ni saqolti kee seeka ku xinto intam abak masuginna. Atu ken elle amrissam kee atu keenih abta garci-kalootut baaqid luk manannon.

Yoosuwa 7:8

Taway Goytaw, Israayil mari naqboytiitik yoowweh yanik, anu maca abbasitu!