Qedra 9:1 - NABUWWA KEE MALIKWA

¹ Tohum inkih abeenik lakal, Israayilik saqoltih yan marak garab yemeeteeh, yok iyyeenimih, «Seeka kee Leewih yooboke mara kee kalah tan ummatta, a cuggaaneh keenik yan mara kee oson edde asan umâ-yabulih tan qaadoodik yaxxeeroonu cineenih. Too maray keenik cuggaaneh yanihiyya duma a baaxol sugen Kanqaan kee Ciita kee Feriida kee Yabuusa kee Qammon kee Mooyab kee Masri kee Amoora mari abak suggu 'ye umâ-yabulih tan taama aban.

Qedra 9:1 Iomraidhean Croise

1 Malikwa 11:1

Suleeman gersi baaxoh agabuk mangom yikcine. Masri malikih baxá abiteeh, kalah kaadu Ciitaay Mooyabaay Qammonuy Edom kee Sayda deqsitak yen marih agabul digibe.

2 Aydaad 33:2

Manasse, Israayil-mari yamaateemik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh; YALLAL dambi lem baahe.

2 Aydaad 8:7

Suleeman, a xisne edde absiisem, duma too baaxol suge maray Israayil mari bayse weehiyyak rade marak ten. Too mari migaaqah Ciita kee Amoora kee Fariida kee Ciiwi kee Yabuusa deqsitta kedoodah yaabuke marak ten. A saaku fanah, Israayil mari too marak rade mara naqoosah tamsiisa.

Qedra 10:2

Sarrak Yaciyél-Sekanya deqsita numuy Qeelam gulubuh gacsahiyya Qedrak iyyeemih, «Marin agabuk digibne waqdi, Yallay ni Dagelta kinnihiyyal imaan hee waynem deqsitta. Tohu'mmay uxih Yallal niya linoh.

Qedra 10:8

«Gulubwah saqolti titta geytaamah: ta amri oobba heeh sidooca ayroh addat amaate wee numuk edderra heem kaak beelon. Toh lih kaadu Israayil numuh maraaqay kedok awqele» 'yaanam axcuk keenih ruuben.

Nacmiya 13:23

Too dabaanal kaadu Yahuud-mari Asdood kee Qammon kee Mooyab agabu rihimih abiteenim eexegeh.

Nacmiya 4:3

Toobiya deqsita num kaadu kay garik soolak suge. Too num iyyeemih, «Taway gasok teena xissoonu waanam yoh ceelan. Wakri ibah yewqek raqta gaso hinna» iyye.

Nacmiya 4:7

Sanballat kee Toobiya deqsita marih nammay kee Qarabah yooboke mara kee Qammon mara kee Asdood-magaalah-marah tu gactek, nanu Yarusalaamah gasoh xisne meqe innal abnaah, fanaafanat sugte foxooxa kibneh duudusnem yoobben waqdi, kaxxam keenit toome.

Yasaqya 52:11

YALLIH Qibaadah-Qarih-duyye quukah beya maraw, wokkek eweqay gexa. Nadaasah tanim gabah maxaginaay, taahirik gacay gexa.

Ermiyaas 26:10

Yuudah-abbobti tekkem yoobben waqdi, malik buxah gasoy elle sugeenihiyyak YALLIH Qibaadah-Qari fan yemeeteeniih; tokkel Qusba-afa deqsita aracal daffeen.

Ermiyaas 26:16

Too waqdi makaabon kee raqqa 'ye mari yakkeenimiik, seeka kee nabuwwa kinnino iyya marak iyyeenimii, «A num edde yaabam, YALLAY ni Dageltah yani kaak inxica iyyeemiiy, isi amok yeyyeeqem hinna. Tonna leemiik rabi kaal mayamaata» iyyen.

Malaaki 2:11

Yuudâ mari Yalla lih luk sugen xagana makeeniih; Yarusalaam kee inkih yan rasul ibak-gibdi umaane aben. Ken labha allî-baaxoh agabuy xeet kee cooxuk bicsen duyye yaqbudehiyyat rihimak, YALLI kicna isi Qibaadah-Qari nadaasa aben.

Yoosuwa 23:12

Isinni Dageltal imaan hee wayteeniih woo sin addat raaqe marat tengeleenih keenik rihimteenik,