Qedra 8:36 - NABUWWA KEE MALIKWA

³⁶ Sarrak malik yuktubeh nel yecee warkatay gabat bahnehiyya Furaat Weeqaytuk Ayrô-culma le qaxat Raaqa Rakaakayah abbobtih gabal hayne. Too abbobti ummat kee Yallih Qibaadah Qaril aban qibaadah catoh qaadah faxximma 'tam aben.

Qedra 8:36 Iomraidhean Croise

Qedra 6:13

Too warkat ken gufe saaku, baaxoh abbah yen Tattanay kee Satar-Bodnay kee ken waday hununuh malik keenik aba elle iyye'nnal aben.

Nacmiya 2:7

Sarrak kaak exceemih, «Yi malikow, yoh idnissek, Furaat Weeqaytuk Ayrô-culma le kabut Raaqa Rakaakayih abbobtih yan marah, Yuudâ-rakaakay gexa'gidih, warkat yoh taktubem faxa.

Aster 3:12

Tohuk wadir sanatak naharsi alsak taban kee sidochaytoh ayro, Haaman kutbe-abeenitih inkih seeceeh; yemeeten waqdi amri gurrah keenik iyyeemih, «Malik amol akak enna 'ya rasul yan marih af kee feerat, malik amri elle yan warkat uktubaay; too warkat xintoh-abbobti kee doolat-taamak-fayya-inta-exxal-yan-mara kee doolat-gubal-rasi-abbobtih-yan-marah inkih ruuba. Ta amri rubtam, Malik-Ekserkas kinnuk, usuk ruubeemih astah kay ferranto bagul astah akak haa» iyye.

Aster 9:3

Rakaakayittel doolat saqoltih yen maraay, ken xintoh abbobti kee malik taamak saqoltih yen mari inkih, Mordakay-meysik gexxaamah, Yahuud marih kabu gacen.