Qedra 8:23 - NABUWWA KEE MALIKWA

²³ Tonna leemiik soomneeh, abna safaral Yalla kinni ni Dagelti nee dacrisa'gidih, dooqa abne. Yalli kaadu too dooqa nek raabiteh.

Qedra 8:23 Iomraidhean Croise

2 Malikwa 13:4

Yowaahad YALLA kallaceeh; YALLI, Suuriyah-malik Israayil-ummattat uma'nna xukkutak sugem yuble waqdi, ken cateh.

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

Qedra 8:31

Sanatak inikhaytoh alsak taban kee nammeyhaytoh ayro Acawâ-Dora deqsita dorak ugunneeh, Yarusalaam fan haysinne. Safaral ni Dagelti ne'lih yeneeh, naqboytit kee gital raarisak sugta umeynitik nee cate.

Nacmiya 9:1

Too alsak labaatanna kee fereyhaytoh ayro, Israayil ummatta aben dambih nadaamah soomaana'gidih gaaboowen. Ken akke waa marin marak yexxeereeniih, sartanah *qabuudut gacca 'yeenih, abeenih yanin nadaamak gexxaamah, amol bullaaqe isinnik caxen. Sarrak solla yeenih ken kee keenik dumal ken kaxxa abbobti abba hayte dambit yaaben.

Aster 4:16

Inteemih, «Suusâ magaalal yan Yahuud marak inkih mododa inxic. Soomaay yoh kaadu dooqa aba inxic. Sidooca bar kee laqoh tu maaqabinaay makmina keenik inxic. Yoo kee yi taamat yan baxuw kaadu toh abenno. Tohuk lakal xintol umam kinnim aaxigeh immay, tohuh, malik fanah gexeyyo. Tohuh, rabi yol yemeetek, yamaatay» 'yaanam kaah rubte.

Yasaqya 19:22

YALLI Masri mara digaalele'mmay, sarrak ken aymaaqele. Oson kaal aduureloonuuh; usuk kaadu oson aban dooqa keenik oggoleleeh ken qaffoysele.

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.

Daaniyel 9:3

Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.