Qedra 8:21 - NABUWWA KEE MALIKWA

²¹ Acawa fan caxita dorih garil elle kobxen ikkel, ummattal amri oobiseeh, keenik exceemih, «Yalla kinni ni Dagelti a safar nel yaymaaquuy, nee kee ni xaylooy neddereemik inkih Yarusalaam fan amaanah nee gufsa'gidih, kaah soomaay rammita» keenik exce.

Qedra 8:21 Iomraidhean Croise

2 Aydaad 20:3

Toh yoobbe waqdi Yacoosafat cunxo hayteeh, YALLAL gita essereemit yemeete. Sarrak inkih yan rasul sinaamak sooma iyyeeh amri yecee.

2 Aydaad 20:4

Inkih yan Yuudah rasuk sinam Yarusalaam fanah temeeteeh; akah temeetem, YALLAL cato esseraana'gidik ten.

Qedra 8:15

Acawa deqsitta magaala fan caxita dorih garil, Qedra yakkeenimiik ken kobxiseeh, tokkel sidooca ayroh gide sugen. Safarah ugte marih addat seeka tanim kee ane waytam gorrise waqdi, Leewih yooboke maray seekah gacsahiyya yemeeteh suge'mmay, gersi mari keenik mamattinna.

Qedra 8:31

Sanatak inikhaytoh alsak taban kee nammeyhaytoh ayro Acawâ-Dora deqsita dorak ugunneeh, Yarusalaam fan haysinne. Safaral ni Dagelti ne'lih yeneeh, naqboytit kee gital raarisak sugta umeynitik nee cate.

Nacmiya 9:1

Too alsak labaatanna kee fereyhaytoh ayro, Israayil ummatta aben dambih nadaamah soomaana'gidih gaaboowen. Ken akke waa marin marak yexxeereeniih, sartanah *qabuudut gacca 'yeenih, abeenih yanin nadaamak gexxaamah, amol bullaaqe isinnik caxen. Sarrak solla yeenih ken kee keenik dumal ken kaxxa abbobti abba hayte dambit yaaben.

Aster 4:16

Inteemih, «Suusâ magaalal yan Yahuud marak inkih mododa inxic. Soomaay yoh kaadu dooqa aba inxic. Sidooca bar kee laqoh tu maaqabinaay makmina keenik inxic. Yoo kee yi taamat yan baxuw kaadu toh abenno. Tohuk lakal xintol umam kinnim aaxigeh immay, tohuh, malik fanah gexeyyo. Tohuh, rabi yol yemeetek, yamaatay» 'yaanam kaah rubte.

Yasaqya 30:21

Edde gexxan gitak guri kabul afkune kee, migdi kabul afkune takken waqdi, kay xongolo aabbettoonuuh, «Giti ah kaak; akkek gacay gexa» 'yaanam axcih aabbetton.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 58:3

Yok iyyaanamah, ‹Nek able waytek, macâ-sabbatah soomnaah? Atu baaqid net alle waytek, maca koh rammitnaa?› 'yaanam iyyan. Takkay immay anu keenik axceemih, ‹Soom abtan saaku, isin kaadu isinnih faxxeenim abtaanaah, siinih taamita marah cakki matacaan.

Yasaqya 58:5

Soomtan waqdi, isinni biyaktaanah amo bayreh innah addah qunuunussu haytaanaah; sartanah *qabuudu xagarat haytaanah gombod baaxol caxxa hayteenih deerih elle gactan. Soomuh litoonum tahaa? Anu a soom siinik assakootem maay takkalen?› keenik axce.

Ermiyaas 10:23

YALLAK kaadu excemii, «YALLAW, sahdayti gufe ikke isik mayaaxiga; isi mano yamlike num mayana.

Ermiyaas 42:3

YALLAY ni Dageltah yani raaqe marak abnam kee genxa arac nee yaybullee'gidih, Yalla neh kallac» kaak iyyen.

Daaniyel 9:3

Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.

Ayyuqel 1:14

«Takkeenimiik inki aracal qibaadah gaabowwa 'xicay sooma» 'yaanam inxica. Yuudah abbobti akak macabinay, Yuudâ marah inkih seecaay; Qibaadâ-Qaril sin Dageltal weeqa.

Yoonas 3:5

Nanawê magaalah mari too farmoy Yallak temeetehiyyal yeemeneh. Tohuk gexxaamah kulli num keenik soomaamal malsen. Yakkeenimiik qunxa numuuy kaxxa numuh toobiteenim yaybulloonuh, *qabuudut sartanah gacen.

Yoonas 3:7

Sarrak Nanawê mara fan farmo ruubeeh iyyeemih, «A amri siinih rubtam, yoo kee yi gubal taamita mara. Maaqo num afah siinik xage waama. Sahda kee laay illi kee wadaraay buxal enna 'ya saq inkih, maaqo afah xage waamaay; leek aaqube waama.

Makaabon 20:26

Israayil mari tah yuble waqdi, kaxxa qaadiyyah qaadeeniih Beetal fan gexxa 'yeenih, tokkel daffa 'yeenih YALLAL weeqak asen. Too ayro bari tikka 'yam fanah maaqo afah maxaginnon. Tokkel too ayro YALLAH cado akak cararisan sadgat kee amaanah xiinaanamih astah aban sadgat aben.

1 Samuwel 7:6

Oson too waqdi yakkeenimiik wokkel gaaboowen. Lee quleenih, YALLAH mattaco takke'gidih woo lee baaxol caxen. Sarrak too ayro soomuh asen. «YALLAW, dambi lem kol bahneh nan» iyyen. Samuwel makaabantu yekkeh; Israayil fanal sittin-way rada waqdi keenik elle kalak yenem, Mixfa deqsitta magaalak ten.