Qedra 8:2 - NABUWWA KEE MALIKWA

^2-3 Fincas deqsitta gulubuh aabakuk yen Gersom deqsita num kee Itaamar deqsitta gulubuh aabakuk yen Daaniyel deqsita num kee Dawuduk rade marih numuy Sekanyah-Cattus deqsitahiyya yuduure. Zakariyya deqsita numuy gulubuk Farqos deqsita marah yoobokehiyya, nasab akak amixxiguk yen bool kee kontom num luk yuduure.

Qedra 8:2 Iomraidhean Croise

1 Aydaad 3:1

Dawud Cebron deqsitta magaalal daffeyak yen saaku xale lab-xaylo, ah keeni. Naharsi-baxi kaak migaaqah Amnon deqsitak yen. Too awkih ina Acinooqam deqsitak ten. Is elle toobokem, Yidraqel deqsitta magaalak ten. Nammeyhaak xale baxi Daaniyel deqsitak yen. Too awkih ina Abiigal deqsitta barrak ten. Ta barra elle tembem, Karmel deqsita araca.

1 Aydaad 3:22

Sekanya Samaqya xale. Samaqya xalem, Cattus kee Yigalaay, Bariyac kee Naqarya kee Saafat deqsitta lab-xaylo. Sittat lecey yakken.

Qedra 8:1

Artacsasta malikih yen dabaanal, Baabelon rasul baaxô-caboytiitih sugte abbobtiy Yarusalaam magaala fan Qedra lih tuduurehiyya akah aabakuk yen gulub kee, ken migaq ah kaana.

Qedra 8:15

Acawa deqsitta magaala fan caxita dorih garil, Qedra yakkeenimiik ken kobxiseeh, tokkel sidooca ayroh gide sugen. Safarah ugte marih addat seeka tanim kee ane waytam gorrise waqdi, Leewih yooboke maray seekah gacsahiyya yemeeteh suge'mmay, gersi mari keenik mamattinna.