Qedra 8:19 - NABUWWA KEE MALIKWA

¹⁹ Tonnah kaadu, Casaabiya kee Yasaqya deqsita namma numuy Leewî kedok Maraari deqsita gulubuh gacissahiyya kee, keenih ramad le labaatanni num ken lih hayya heenih ruuben.

Qedra 8:19 Iomraidhean Croise

1 Aydaad 6:1

Leewi lab-xaylok sidoc luk yen. Ken migaq Gerson kee Kohat kee Maraari deqsitak yen.

1 Aydaad 6:16

Leewi lab-xaylok sidoc luk yen. Ken migaq Gerson kee Kohat kee Maraarik ten.

1 Aydaad 6:19

Maraari namma lab-baxa luk yen. Oson migaaqah Macli kee Muusi deqsitak yenen. Ken aydaadi elle yascasse'nnal, Leewî-kedok exxa akak radde mara kee ken abbobtih yen marih migooqa ah teeti.

Qedra 8:18

Yalla kinni ni Dagelti nee cateemih taagah, Sereebiya deqsita numuy Leewî kedok Macli deqsita gulubuh gacisak yeneeh, isi taamal dudda luk yenehiyya, xaylo kee tooboko fanal sittat taban kee bacra num akkuk ruuben.

Qedra 8:20

Toh lih kaadu, namma bool kee labaatanni numuy Yallih Qibaadah-Qarit taamitak yenehiyya ruuben. Ta marak kaxxa abbobti, dumah yan saaku Leewih yooboke marah taamitaana'gidih doorimteh ten. Too taamah ken doortem, Malik Dawud kee kay gubal doolat taamat yen kaxxa-kaxxa mara. Too marih migaq inkih yuktubeenih yenen.

Qedra 8:24

Tohuk lakal, saqoltih ten seekah addak taban kee namma sek kee, kalah kaadu Leewih yooboke marak Sereebiya kee Casaabiya kee keenih ramad le tabna num doore.

Nacmiya 3:17

Leewih yooboke mari kaadu gasoosak wohuk raqte exxaaxih bicsat gacen. Baaní-Racum exxak teena bicse. Casaabiya deqsita numuy Kaqiila deqsita rakaakayak garabak abbah yenehiyya tokkel, buxah yen marih afak, katayta exxa bicse.