Qedra 8:16 - NABUWWA KEE MALIKWA

¹⁶ Saqoltih yen marak sagla numuh, «Ama» 'yaanamih farmo ruube. Tohum, Elqeeder kee Ariyal kee Samaqya kee Elnaatan kee Yaarib kee Elnaatan kee Naatan kee Zakariyya kee Masullam kee, kalah kaadu, Yoyyaarib kee Elnaatan deqsitta namma kabiirik ten.

Qedra 8:16 Iomraidhean Croise

1 Malikwa 3:11

tonna leemiik kaak iyyemii, «Qumri xexxar yoh ucuy yok maxaccitooy, gaddaliino yoh ucuy yok maxaccitooy, naqboytit yoh qid yok maxaccito. Tohuk tu maxaccitoy, missah yan cokmit ummatta-edde-xiinisa-kas yoh ucuy yok inteehiiy;

1 Aydaad 12:32

Issakar-kedok namma boolih numuy qaskar abbobtih tenehiyya kee oson abbah akak yanin qaskar kaal temeete. Ta maray abbobtih yenehiyyaa, Israayil rasul abaanam faxxintam kee edde abeh meqe wakti yaaxige marak ten.

1 Aydaad 26:14

Selemyal saami caxxah ayrô-mawqa le kabut raqta afa tewqe. Kay baxay migaaqah Zakariyya deqsitak yeney meqe fayu sinaamah yeceehiyyal kaadu kilbat le kabut raqta afa tewqe.

2 Aydaad 2:12

YALLI, Malik Dawuduh kas le baxay bagi cubbi leeh, ixxiga akak dudda lehiyya yeceeh yan. Tonna-leemiik kay baxi YALLA elle yaqbuden qari xisaamat yemeeteeh; isih kaadu malik-qari xisaamat yemeeteh yan. YALLAY Israayil doore Dagelta kinnihiyyay qaran kee baaxo yuklukehiyyah fayla taafay.

Qedra 10:21

Caarim deqsita gulubuk Maqseyaahu kee Eliyyas kee Samaqya kee, Yaciyel kee Quddiyya deqsita mari abbaxuk suge.

Qedra 8:13

Tonnah kaadu Elifalat kee Yaqwel kee Samaqya deqsita sidooca numuy Adonikam deqsitta gulubuh aabakuk yenehiyya, lactam num luk Yarusalaam yuduure. Ta mari edde yuduurem, sarrî dabaanak ten.

Qedra 8:15

Acawa deqsitta magaala fan caxita dorih garil, Qedra yakkeenimiik ken kobxiseeh, tokkel sidooca ayroh gide sugen. Safarah ugte marih addat seeka tanim kee ane waytam gorrise waqdi, Leewih yooboke maray seekah gacsahiyya yemeeteh suge'mmay, gersi mari keenik mamattinna.

Qedra 8:17

Ta mari yemeete waqdi, Qiddo deqsita numuy Kasifya deqsita rasih marak abbah yenehiyya fan ken ruube. Ken akah ruubemii, kaa kee kay wakaliitittey Yalla kinni ni Dageltih Qibaadah-Qarit taamittahiyya, Qibaadâ-Qarit Yallih taamat taamitu waa mara neh ruubaana'gidik ten.

Qedra 8:18

Yalla kinni ni Dagelti nee cateemih taagah, Sereebiya deqsita numuy Leewî kedok Macli deqsita gulubuh gacisak yeneeh, isi taamal dudda luk yenehiyya, xaylo kee tooboko fanal sittat taban kee bacra num akkuk ruuben.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.