Qedra 8:1 - NABUWWA KEE MALIKWA

¹ Artacsasta malikih yen dabaanal, Baabelon rasul baaxô-caboytiitih sugte abbobtiy Yarusalaam magaala fan Qedra lih tuduurehiyya akah aabakuk yen gulub kee, ken migaq ah kaana.

Qedra 8:1 Iomraidhean Croise

1 Aydaad 24:31

Keenih ramad le maray Haarunuk radehiyya elle aben innal, saami caxxa keenih qiden. Saqalah yen numuk rade mara takkuu, qunxa toobokoytah yen numuk rade mara takkuu, taama abaanamak naharal saami caxxa elle qidda haanah saami elle awqinnaan mari abak yen. Malik Dawud kee Saaduk kee Acimalek kee, seekah abbobti kee Leewî-kedoh-abbobtiy wokkel sugga 'tehiyya inkih, tohumul sumaaqah raaqen.

1 Aydaad 26:32

Malik Dawud, namma alfi kee malcina boolih numuy Yeriyaahuh ramad luk yenehiyya, Israayil kedoodak Ruuben kee Gaad kee Manassek-garab guubuh elle tan rasul, diini kee xinto wagitta tiya woo marah abaana'gidih, abbootan ken gabal hee. Yeriyaahuh ramad luk yen mari inkih, buxâ-marak abbobtih yan maray ixxiga kee bagi cubbi lek ten.

1 Aydaad 4:33

too magaaloolik dariifal sugte gaandoodi Baqalat deqsita aracah amma 'yaanam fan elle gaceenih yenen. Ken baaxo too gideey; kaadu akak raden marih migaq keenik aktubuk yenen.

1 Aydaad 9:1

Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.

1 Aydaad 9:34

Too mari inkih Leewih yooboke marih samadak yenen. Kaadu saqoltik yenen. Dabaaqah elle yeneenim, Yarusalaamak ten. Ken migooqa akak raden mari yaakumik ciggiilih elle yan innal tunkuttubeh ten.

2 Aydaad 26:12

Qaskarak abbobtih yan mari mangah namma alfi kee lica boolih num akkuk yen.

Qedra 1:5

Tohuk lakal Yuuda kee Benyam kedoh abbobtiiy, seekaay, Leewih yooboke mara kee, tonnah kaadu, Yalli fayxi edde hee mari inkih, YALLIH Qibaadah-Qariy duma yiddigilleh sugehiyya xisaana'gidih, gexoh bical gacen.

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Qedra 2:3

Farqos deqsita gulubuk yuduure mari namma alfi kee bool kee malcina-taban kee namma num akkuk yenen. Safatya deqsita gulubuk yuduure mari sidiica bool kee malcina-taban kee namma num akkuk yenen. Arac deqsita gulubuk yuduure mari malcina bool kee malcina-taban kee koona num akkuk yenen. Facat-Mooyab deqsita gulubuk, Yaasuwa kee Yowab deqsita namma numih durruyyat tuduure. Too mari namma alfi kee bacra bool kee taban kee namma num akkuk yenen. Qeelam deqsita gulubuk yuduure mari alfi kee namma bool kee kontom kee affara num akkuk yenen. Dattuq deqsita gulubuk yuduure mari sagla bool kee morootom kee koona num akkuk yenen. Dakkay deqsita gulubuk yuduure mari malcina bool kee lactam num akkuk yenen. Baani deqsita gulubuk yuduure mari lica bool kee morootom kee namma num akkuk yenen. Beebay deqsita gulubuk yuduure mari lica bool kee labaatanna kee sidiica num akkuk yenen. Qadgad deqsita gulubuk yuduure mari alfi kee namma bool kee labaatanna kee namma num akkuk yenen. Adonikam deqsita gulubuk yuduure mari lica bool kee lactam kee lica num akkuk yenen. Bigway deqsita gulubuk yuduure mari namma alfi kee kontom kee lica num akkuk yenen. Qaadin deqsita gulubuk yuduure mari affara bool kee kontom kee affara num akkuk yenen. Aatar deqsita gulubuy kaadu Ciskiyyaahu deqsita migaaqal yaaxigeenihiyyak yuduure mari sagla taban kee bacra num akkuk yenen. Bexay deqsita gulubuk yuduure mari sidiica bool kee labaatanna kee sidiica num akkuk yenen. Yoora deqsita gulubuk yuduure mari bool kee taban kee namma num akkuk yenen. Casum gulubuk yuduure mari namma bool kee labaatanna kee sidiica num akkuk yenen. Gibbar deqsita gulubuk yuduure mari sagla taban kee koona num akkuk yenen.

Qedra 7:13

«Anu malikih elle an rasul enna 'ta Israayil ummat kee Leewih yooboke mara kee seekak, Yarusalaam fan ko'lih gexam faxa marah ruksat keenih eceeh anik, gexxaasitoonay.

Qedra 7:28

Yallih kacanuy digga lehiyyak gexxaamah, malik kee malikih fayu yecee mara kee, kay gubal yan cayla-leelah tan doolat marih garil, meqe intit yablen num ekke. YALLAY yi Dagelta kinni niya yot heeh, Israayil marak mango gulubuh yaabuke mari yo'lih yaduure'gidih ken lih yaabe yab yok oggoleh» 'yaanam iyye.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Qedra 8:2

Fincas deqsitta gulubuh aabakuk yen Gersom deqsita num kee Itaamar deqsitta gulubuh aabakuk yen Daaniyel deqsita num kee Dawuduk rade marih numuy Sekanyah-Cattus deqsitahiyya yuduure. Zakariyya deqsita numuy gulubuk Farqos deqsita marah yoobokehiyya, nasab akak amixxiguk yen bool kee kontom num luk yuduure.