Qedra 7:10 - NABUWWA KEE MALIKWA

¹⁰ Yalli ken akah catem, Qedra Muusâ-kitaabal tunkuttubem baritak, tohim abinal asisa numuk yen. Tohimih addâ-faknu kee maqna Israayil mara barsaamat wakti isik rubsuusak suge.

Qedra 7:10 Iomraidhean Croise

1 Aydaad 29:18

YALLAW, ni kaxxa abbobtih yen Abraahim kee Iscaak kee Israayil elle aamanuk sugte Dageltaw, a saaku lino meqe niya kulli way isi marih afqadot haay. Ken afqado koo fan hayisay.

2 Aydaad 12:14

Racabqam uma taamat akah sugeemik sabab, baguuk YALLIH gital masuginnaay, umaane akah abak yenem, tohuk ten.

2 Aydaad 19:3

Tohu'mmay away uxih Yallih garil maqaanek baxaysite num hinnito. Aseera deqsittaamay yaqbudeenihiyyah astah sooliseenih sugen gurumuuda bayisseh. Yallih gita katayak sugte» kaak iyye.

2 Aydaad 30:22

Ciskiyyaahu, Leewî-mari YALLIH qibaadah taama elle aban innah ixxiga loonum keenik yuble waqdi, wohul ken fayliseh. Malcina ayroh gide amaanah xiinaanamih astah qidan sadgat abakaay YALLA faylisak sugeenik sarra,

Qedra 7:11

Amoyti Artacsasta, YALLI Israayil ummatah Muusal ruube xinto intaamih adda digga haa Qedra deqsita numuy tohul kaxxa ixxiga lehiyyah yuktube warkat yecee.

Qedra 7:25

«Qedraw, Yalli koh yecee kasat, Furaat Weeqaytuk Ayrô-culma le kabut Raaqa Rakaakayal Yalla kinni ku Dageltih amri yaaxige marah, cokmaaba kee makaabon isih keenih hay. Yallih xinto intam aaxige waa mara baris.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Malaaki 2:7

Nummâ-gita ummat barsaanam, seekal tan taama. Seeka yoo YALLAY Nabaamak Nabah yanihiyyah fayxi ummat barsaana'gidih, ummat keenil gexxam faxxinta. Seeka yi farmoytiitiy yi farmo ummatah warissa kinnon.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.