Qedra 5:5 - NABUWWA KEE MALIKWA

⁵ Yalli Yahuud-marih idoolak amo isih dacrisak yeneemih sabbatah, Fursi-doolatih taamat yen mari, naharak malikih warse'kal hebeltô-maaqatta bee waanamal gaba kaleeniih; tonna leemiik Yahuud mari woo taama elle beyak raaqe.

Qedra 5:5 Iomraidhean Croise

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

Qedra 7:28

Yallih kacanuy digga lehiyyak gexxaamah, malik kee malikih fayu yecee mara kee, kay gubal yan cayla-leelah tan doolat marih garil, meqe intit yablen num ekke. YALLAY yi Dagelta kinni niya yot heeh, Israayil marak mango gulubuh yaabuke mari yo'lih yaduure'gidih ken lih yaabe yab yok oggoleh» 'yaanam iyye.

Qedra 7:6

Qedra YALLAY Israayil doore Dagelta kinnihiyya Muusal oobise kitaabih addal tunkuttubem digga luk yaaxige numuk ten. Qedra YALLAY kay Dagelta kinnihiyyak barkat gee numuk teneemih sabbatah, malik esserra heem inkih kaah abeh. Artacsasta edde dardaareemih malcinhaytô-sanatat, Qedra, Baabelon rasuk Yarusalaam magaala fan yuduure. Seeka kee Leewih yooboke mara kee, Yallih Qibaadah-Qaril saare aba mara kee, Yallih Qibaadah-Qarit dacayrih yan mara kee edde taamita mara kee, kalah yan Israayilih yooboke mari kaa'lih yuduure.

Qedra 8:22

Kaadu keenik exceemih, «Anu dumah yan saaku Malikik, ‹Ni Dagelti isil yaamine marat barkat haah, darre isit caba mara fan mawagitaay, ken digaalah› 'yaanam exceh sugeemih sabbatah, sarra qaskaray faaris amok qeebi abtahiyya gital umeynitik nee dacrissa'gidih ‹Neh ucuya› 'yaanam, malikik axcem wacarriy yol tekke» exce.