Qedra 4:9 - NABUWWA KEE MALIKWA

^9-10 «A warkat tuktubem, xintoh abbah yan Racum kee kutbe-abeenah yan Simsay kee, ken adoytitte kee cokmi abeenit kee raqqa 'ta doolat-abbobti kee, tonnah kaadu, Erek kee Baabelon kee, Qeelam rasuk Suusa deqsitta magaalak yemeete mara. Ken lih gacak a warkat tuktubem, nabna kee massakaxxa luk yen Osnaffar deqsita malik le baaxok rubba heeh Samaariyah magaala kee Furaat Weeqaytuk Ayrô-culma le kabut Raaqa Rakaakayal nookise mara kinni.

Qedra 4:9 Iomraidhean Croise

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

Qedra 4:8

Baaxoh abbah yen Racum deqsita num kee kutbe-abeenah yen Simsay deqsita num, Malik Artacsastah, Yarusalaam magaalah xisne akke wayta'gidih, warkat yuktubeenih ruuben. Too warkatal yuktuben yab annah axcuk yen:

Qedra 5:3

Sarrak, Furaat Weeqaytuk Ayrô-culma le kabut Raaqa Rakaakayih abbah yen Tattanay deqsita num kee Satar-Bodnay deqsita num kee ken waday Yarusalaam fan temeeteeh, iyyeenimih, «A qari ‹Xisa› siinik inteeh, ‹A duyye edde haa› siinik intem iyyaay?

Qedra 5:6

Sarrak Furaat Weeqaytuk Ayrô-culma le kabut Raaqa Rakaakayih abbah yen Tattanay kee Satar-Bodnay kee ken waday malikih warkat yuktubeenih ruuben.

Qedra 6:6

Malik Daryawes tah yoobbe waqdi, yuktube warkat ruube. Too warkatal iyyeemih, «Furaat Weeqaytuk Ayrô-culma le kabut Raaqa Rakaakayih abbah yan Tattanay kee Satar-Bodnay kee, Furaat weeqaytuk Ayrô-culma le kabut Raaqa Rakaakayal doolat taamat sin lih yan marak inkih, siinih ruuba farmol siinik axceemih, ‹Yallih Qibaadah-Qaril maxayyoowina.

Nacmiya 4:2

Isi kataysis kee Samaariyah qaskarih foocal, «A Yahuud-gulalwa abtam macaay? A magaala nammeyhaak xiseloonum maay yakkalen? Sadgat abeenik sa inki ayrot xisnek gaba kaleloonum yakkaleeni innaa? Tittin bagul yan yiddigille xeetiy cararehiyyak gasoosa xiseloonum yakkaleeni innaa?» iyye.

Aster 2:3

Atu abbah akak tan baaxol, kulli rakaakayal abbobtih yan mara dooritaay, qax-meqe baxuwwa atu dabaaqah elle tan inaytâ-magaala fanah baaha keenik inxic. Too agabu inkih seelabu-le numuy migaaqah Hegay deqsitaah ku agbih dacayrit yanihiyyah gabal hoonay. Tokkel oson qax elle yamqen diwa keenih heelon.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Ermiyaas 25:25

Too marak kalah kaadu, Dimri kee Qeelam kee Meediya akak iyyan baaxooxal yen sidooca malik kee,

Ermiyaas 49:34

Xidkiya Yuudâ-malik edde yekkeemit xayi saaku, YALLAY Nabaamak Nabahiyya Qeelam giddinaamak Ermiyaasal oobise qangara ah teeti.

Yacedkel 32:24

«Qeelam kaadu wokkel taniih, carbit teetik rabte qaskarih kabaara maroh teetit tan. Addunyal sugen saaku sahda akak cunxitta marak yeneeni'mmay, a saaku too diini maleelah yen mari akeera gexe. Akeera gexe uma marat tikka 'ye qaybi keenit yekke.

Daaniyel 8:2

Soonoh ubleemih: Anu innih Qeelam baddak Suusa deqsitta magaalay gaso maroh edde tanihiyyah addal, Uulay deqsita weeqaytih garil soolak suge.