Qedra 4:4 - NABUWWA KEE MALIKWA

⁴ Tohuk lakal too baaxol dabaaqah suggu 'ye mari, Yuudâ-maray Yallih Qibaadah-Qari xisak sugek niya butukku heenih, tonnah kaadu, qari xisok meysiteenih akah raaqan innih gabbatiyyat gacen.

Qedra 4:4 Iomraidhean Croise

2 Samuwel 4:1

Saawul baxi Isboset, Abner Cebron magaalal qideeni 'yaanam yoobbe waqdi, meysi kaat hayteeh, inkih yan Israayil mari kaadu wariggiteh.

Qedra 3:3

Oson wokkel guubuh suge marak meysiteenih immay, tohuh, too aracay Yallih migaaqal sadgat elle aboonu waanahiyyah bicsak akah maraaqinnon. Too arac duma elle suge aracal bicsen. Tohuk lakal kulli ayro saaku kee carra tokkel sadgatah saq qidak yeneeniih, woo sadgatih cado cararisak yenen.

Qedra 4:5

Fursih doolatih abbobti a taama abe ken akah kalta'nnah, guqul keenih yeceen. Kooris kee Daryawes dardaarinnih waktil, oson elle ackamuk sugen baaxol abbobtih suggu 'ye marah guqul acayuk, a qarih xisok ken elle yayseeden malat gacen.

Nacmiya 4:11

Ni naqboytit kaadu iyyeemih, «Garcik keenil gexxaay, maysattaka keenit abbaay, taama akah solta innah qidda ken haynam fanah, mayaaxigaanaay mayablan» iyyen.

Nacmiya 4:2

Isi kataysis kee Samaariyah qaskarih foocal, «A Yahuud-gulalwa abtam macaay? A magaala nammeyhaak xiseloonum maay yakkalen? Sadgat abeenik sa inki ayrot xisnek gaba kaleloonum yakkaleeni innaa? Tittin bagul yan yiddigille xeetiy cararehiyyak gasoosa xiseloonum yakkaleeni innaa?» iyye.

Nacmiya 6:9

Naqboytit toh akah abtem, meysinneh abna taama nayseede'gidik ten. Toh uble waqdi dooqa abeeh, ‹Yallaw, qande yot hay› exce.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Daaniyel 10:13

Fursih doolatat dacayrih yan malaykatti labaatanna kee inki ayroh gide amaate yoo kalak suge. Woo Fursih-doolatak gexe yoo kalak yeneenimih sabbatah, Mikaayiliy malaykah abbobtik numuk teena kinni, yoo cata'gidih yemeete.

Daaniyel 10:20

«Usukuuy, ‹Anu koo fan akah emeetem maay taaxige? Woo Nummâ-Kitaabal tanim koh qaddoysa'gidi. Taway uduurra exceh, Fursih marat dacayrih yan malaykattut qeebi abeyyo. Woo malaykattuk gexa waqdi, Giriik marat dacayrih yan malaykatti amaatele. Mikaayiliy Israayil marat dacayrih yani, kalih malayka yoo macatta.