Qedra 4:17 - NABUWWA KEE MALIKWA

¹⁷ Malik too warkat kaa gufte waqdi, tohul raddih yab yuktubeh ruubeeh iyyeemih, «A warkat akah ruubam, xintoh abbah yan Racum kee kutbe-abeenah yan Simsay kee, tonnah kaadu, sin adoytittey Samaariyah magaala kee Furaat weeqaytuk ayrô-culma le kabut raqqa 'tahiyyah inkih ruuba. Takkeenimik inkih salaamatta siinil qida.

Qedra 4:17 Iomraidhean Croise

Qedra 4:16

Tonnal ta magaala nammeyhaak xissinteeh, teetit maroh gaso heen ken tekkek, Furaat Weeqaytuk Ayrô-culma le kabut Raaqa Rakaakay ku abbootanih gubat raaqe wayu waam naharal elle koh warisna» 'yaanam elle yuktuben warkat kaah ruuben.

Qedra 4:18

«Isin yoh rubten warkat yoo gufteeh; yoh yikriyeeniih, maqna akak yoh warseenih.

Qedra 4:7

Tonnah kaadu Artacsasta deqsita malik Fursi-rasul dardaare dabaanal, Bislam kee Mitradat kee Tabqel kee ken waday too malikih warkat uktubba hayteh kaah rubte. Too warkat edde yuktubeenim, Suuriyah afak teneeh; sarra warkat intam kaah warsen.

Qedra 5:7

Too warkatal iyyeenimih, Malik Daryawesow, naharak ku xinto amaanah tanay.

Qedra 7:12

Too warkatal axcuk yeneemih, «A warkat rubtam, yoo kaxxa amoytah yan Artacsasta. Akah ruubam, sek Qedray qaraanal yan Yalli ruube xinto intam yaaxigehiyya. Naharak salaamatta kol qida.

Daaniyel 4:1

Malik Nabkadnessar kulli baaxol tan ummattay mango afah yabtaah mango kedoodah tanihiyyah inkih, farmo ruubeeh keenik iyyeemih, «Naharak salaamatta siinil qida. Gaddi siinik amagguk yamaggay.

Daaniyel 6:25

Tohuk lakal Malik-Daryawes kulli rasih ummatta kee mariiy isi kedooda kee isi af akak le ummattay isi xintoh gubat tan baaxooxal geytimtahiyyah inkih, warkat ruubeeh iyyeemih, «Naharak salaamatta siinil qida. Gaddi siinik amagguk yamaggay axcih!