Qedra 4:12 - NABUWWA KEE MALIKWA

¹² Nabna le amoytaw, koh warisnaamah, Yahuud-maray koo le'kkek nee le'kke fan yemeetehiyya a saaku Yarusalaam magaalal nookeenih yanin. Taaxige uma magaalay umeynitih yan mari elle sugehiyya nammeyhaak xisaanam faxan. Oson woo magaalah rakiibo bicseenih gasok kaadu xayih gaba kalaanam faxan.

Qedra 4:12 Iomraidhean Croise

2 Malikwa 18:20

Kaxxa-yab carbi-mala kee qaskariinô-dudda koh akkelem maay takkalee? Assuuriyat qeebi abtuh amo elle meqitom iyyaay?

2 Malikwa 24:1

Yahoyaakim malikih suge saaku, Baabelon-malikih suge Nabkadnessar Yuudâ-rasu warare. Tohuk wadir Yahoyaakim Nabkadnessar-milkih gace. Sidooca sanatak lakal, kay milkih gacaanam cineh.

2 Aydaad 36:13

Baabelon-abbay Nabkadnessar deqsita Xidkiya malik abe saaku, kay yab yaabbu waamih tiyal, Yallih migaaqal dirkih kaa xibsiiseh suge'mmay, Xidkiya kay yab moggolinna. Fiirik geerah YALLAY Israayil doore Dageltah yanit baaqid mahannaay; toobitta 'yeh kaal yaduureenim cineh.

Qedra 4:11

«Nabna le Amoyta Artacsastaw, a warkat koh taktubem ku taamat yan maray Furaat Weeqaytuk Ayrô-culma le kabut Raaqa Rakaakayal yanihiyya.

Qedra 4:15

Tonna kinnuk taway abtaamahaa, duma ku kaxxa abbobtih dabaanal tekkem elle yuktuben kitaabal tanim wagtetto. Tonnal too magaalal dumî-dabaanal suge mari qamalleelak sugeeniih, malikwa kee rasih abbobtil saduh akkuk suge mara kinnoonum too kitoobal keenik geetto. Too magaala kulli waqdi gaadile kee umeynit dabqik sugtem geetto. Magaala duma akah baatem, tohih sabbata.

Qedra 4:19

A caagidik adda wagtu waa mara ruubeeh; Yarusalaam mari dumî-dabaanaak malik xintol saduh sugeeh, Yarusalaam magaala gaadile kee umeynit dabqik sugtem teetik geytinteh.

Qedra 5:3

Sarrak, Furaat Weeqaytuk Ayrô-culma le kabut Raaqa Rakaakayih abbah yen Tattanay deqsita num kee Satar-Bodnay deqsita num kee ken waday Yarusalaam fan temeeteeh, iyyeenimih, «A qari ‹Xisa› siinik inteeh, ‹A duyye edde haa› siinik intem iyyaay?

Qedra 5:9

«A marak saqoltih yan marak, ‹A qari «Xisa» siinik intem iyyaay? «A duyye edde haa» siinik intem iyyaay?› keenik inne.

Nacmiya 1:3

Too mari yok iyyemii, «Baabeloonuk saaboh isi baaxo fan yuduure mari kaxxa gadaamah addat yaniih; woo baaxol suge mari ken bursutah. Yarusalaam magaalat maroh tan gasoosay tiddigillehiyya uxih bicsa mali. Magaalah adda akak culan culmay duma carriseenihiyya uxih bica magenna» 'yaanam yok iyyen.

Nacmiya 6:6

Too warkatal iyyeemih, «Yahuud akke waa marih baaxooxal, ‹Koo kee Yahuud mara umaane abtaanam faxxan› iyya mari yan. Gesam kaadu toh numma kinnim yoh warseh. ‹Tiddigilleh sugte gaso nammeyhaak akah xissaanam wohu› siinik iyyan. ‹Atu kaadu ken malik takkem faxxa› 'yaanamih xaagi yan.

Aster 3:8

Too waqdi Haaman malikik iyyeemih, «Akkel atu malikih elle tan baaxoh addal fixixih yan mari yaniih, too mari elle ane wayya haa rakaakay maloonuuy, akkel keenik sah num alle waa qaada loonuuh, atu malikih elle tan baaxol amrissam moggolan. Tonna leemiik tibba keenik intam mafaxxinta.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.

Daaniyel 3:8

Too waqdi Baabelon rasih marak garab, Yahuud maral qellat edde baahaanam geen.

Daaniyel 9:25

Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.