Qedra 3:9 - NABUWWA KEE MALIKWA

⁹ Yaasuwa kee kay xaylooy, kaah ramad elli haa maraay, Kadmiyal deqsita num kee, Binnuy deqsita num kee, Hodawya deqsita num sittat Yallih Qibaadah-Qari xisa marih amô-wagittot yenen. Cendad deqsita gulubuh yooboke mari woo taamal ken cate. Too mari inkih Leewî-kedoh aabakuk yen.

Qedra 3:9 Iomraidhean Croise

1 Aydaad 23:4

Too waqdi Dawud iyyemii, «Too marak labaatanna kee affara alfih num taamah yaallu waam, YALLIH Qibaadah-Qarih addal tan taamaay; kaadu too soddom kee bacra alfi yekke marak laca alfih num taamah yaallu waam, qaada yaktubeenim kee ummatta cakki tittak wayta waqdi, ken kuraanama.

2 Aydaad 34:12

A qarih xisne abe mari amaanat kee digga le marak ten. Leewih yooboke marak affara num oson aben taamak amo wagitak ten. Too affara numuk namma num migaaqah Yacat kee Qobadya deqsitak ten. Maraari deqsita gulubuh aabakuk yenen. Gersi namma numuh tu gactekiiy, migaaqah Zakariyya kee Masullam deqsitak yenen. Kohat deqsita gulubuh aabakuk yenen. Leewih yooboke mari yakkeemiik fayla wagga haytaamal dudda le ixxiga le marak ten.

Qedra 2:40

Leewih yooboke marak yuduure marih loowo ah teeti: Hodawyak rade marak migaaqah Yaasuwa kee Kadmiyal deqsita namma gulubuk tuduurem malcina-taban kee affara numuk ten. Yallih Qibaadah-Qaril saare abak yen marak rade marak tuduurem bool kee labaatanna kee bacra numuk ten. Too mari Asaf deqsita gulubuk rade marak ten. Yallih Qibaadah-Qarit dacayrih suge marak bool kee soddom kee sagla num yuduure. Too mari Sallum kee Aatar kee Talmon kee Qakkub kee Catiita kee Soobay deqsita marih samadak yenen.

Qedra 3:8

Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

Nacmiya 3:24

Cendád-Binnuy wohul katayta exxa bicse. Tohuuy, Qadaryah buxaak gaso akak makkinta araca. Tohuk lakal, daaba luk yen arac fan xise.

Nacmiya 7:43

Leewih yooboke marak yuduure marih loowo ah teeti: Yaasuwa kee Kadmiyal akak iyyan namma numih durruyyatak tuduurem, malcina-taban kee affara numuk ten. Kaxxa abba keenik Hodawya deqsita numuk ten.