Qedra 3:8 - NABUWWA KEE MALIKWA

⁸ Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

Qedra 3:8 Iomraidhean Croise

1 Aydaad 23:4

Too waqdi Dawud iyyemii, «Too marak labaatanna kee affara alfih num taamah yaallu waam, YALLIH Qibaadah-Qarih addal tan taamaay; kaadu too soddom kee bacra alfi yekke marak laca alfih num taamah yaallu waam, qaada yaktubeenim kee ummatta cakki tittak wayta waqdi, ken kuraanama.

1 Aydaad 3:17

Baabelon mari Yahoyaasin seewah bee. Kaak rade mari ah keeni. Usuk lab-xaylok malciin luk suge. Migooqa keenik, Saltiyal kee

Qedra 10:18

Marin marah yooboke agabu ginnaaqot abbaxuk suge marih migaq ah kaana. Seekak marin marah yooboke agabu ginnaaqot abbaxuk sugtem, Maqseyaahu kee Elqeeder kee Yaarib kee Gedalya deqsitta labha. Too mari Yahuuxadák-Yaasuwa kee kay toobokok rade marak ten.

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Qedra 3:2

Yahuuxadák-Yaasuwa kee kaa'lih ten seekaay, Saltiyál-Darabbabel deqsita num kee kay ramad, cado akak carrisan sadgat Yallah abaana'gidih, Yallih naqasuh yen Muusal oobe kitab elle iyya'nnal, Israayil doore Dageltah sadgat elle aboonu waan arac nammayhaak soolisen.

Qedra 4:24

Yallih-Qarih-xisne kaadu fanal teedeeh, Fursi-malikiy migaaqah Daryawes deqsitahiyya edde dardaare nammayhaytô sanat fan, xisne akak elle yeyseeden aracal elle teedeeh sugte.

Qedra 4:3

Darabbabel kee Yaasuwa kee raqqa inte Israayil-abbobti keenil gacisseemih, «Sin kee nee titta lih qari xisnam neh midnisinta. Fursi-malikih yan Kooris nee elle amrise innal, numtin cato faxe'kal, YALLAY Israayil doore Dagelta kinnihiyyah qari ninnih xisenno» keenik iyyen.

Qedra 5:16

Too num Yarusalaam yemeeteeh, Yallih Qibaadah-Qarih rakiibo hee. Sarrak xiso akak too saaku qimbiseeniih, ta saaku fan too xisot nan. Xisok uxih gaba makalinna› 'yaanam nek iyyen.

Qedra 5:2

Saltiyál-Darabbabel kee Yahuuxadák-Yaasuwa too namma nabi yab yoobben waqdi, Yallih Qibaadah-Qarih xisne wadir qimbisen. Too namma nabi xisol kaadu ken catteh.

Caggay 1:1

Daryawes deqsita Malik Fursi-rasul tu edde taade malikih yen dabaanal, malik edde yekke nammayhaytô sanatak leceyhaytoh alsak inikhaytoh ayro, YALLIH farmo nabi Caggayal obte. Woo farmo YALLI akah ruubem, Darabbabel deqsita numuy Yuudâ rasul abbah sugehiyya kee Yoosuwa deqsita numuy woo rasul kaxxa seekih yenehiyyak ten. Darabbabel Saltiyal deqsita numih baxak ten. Yoosuwa kaadu Yahuuxadak deqsita numih baxak ten.

Zakariyya 4:9

YALLI yok iyyeemih, «Darabbabel yi qarih xisneh rakiibo bicseeh; ahaysa gaba akak kalele. YALLAY Nabaamak Nabahiyya sin fanah yoo ruubem too saaku aaxigetton.

Zakariyya 6:12

Too waqdi kaak intaamah, ‹Ludda deqsita num saadeleeh, abinnaanim gabal kaak bicele. YALLIH Qibaadah-Qari nammeyhaak xisele.