Qedra 3:7 - NABUWWA KEE MALIKWA

⁷ Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

Qedra 3:7 Iomraidhean Croise

2 Samuwel 5:11

Suur malikih yen Curam, doolat-abbobti Dawud fan ruube. Woo mara luk, sariidâ-coox kee, naggaarinnah cooxuk duyye bicsa mara kee, xeet-qarwah-xiso yaaxige mara, Dawuduh malik elle gaca qari xisaana'gidih, ruube. Too mari too qari kaah xise.

1 Malikwa 5:6

Ku mari Lubnaan baaxok sariidâ-coox yoh yargiqeeni'gidih, garbo fan ken rubtam kok faxa. Yi marak kaadu tu takkem ken lih taamitta'gid ruubeyyo. Atu akah taaxige'nnah, caxâ-garuq ku mari gersi marak inkih yayse. Cawalah, atu ucuya axcinnaanih gide keenih aceeyyo» kaak iyye.

2 Malikwa 12:10

Sandugut mango lakqo gacinnaan waqdi, malik-kutbe-abeena kee kaxxa sek amma 'teh woo lakqo lowwu heenih sarrak olot haak sugen.

2 Malikwa 12:13

Takkay immay too lakqot, lakqok bicsen kobbaayiy kee sacnitte kee faanus edde bargusan afti-xaylooy, baanta kee, tonnah kaadu, woo Qibaadah-Qarih addal sugte duyyey lakqo kee dahabak bicseenihiyyak tu edde mabicsinnon.

2 Aydaad 34:10

Sarrak a lakqo Yallih Qibaadah-Qarih bicsa gabal akak heen maral yeceen. Too mari too lakqo qari bicsa marah yeceen.

Qedra 3:6

YALLIH Qibaadah-Qarih-xiso qimbiseenih manannoonuuy; takkay immay malcinhaytoh alsak inikhaytoh ayro, YALLIH migaaqal sadgat elle aban aracal, cado akak cararisan sadgat aben.

Yacedkel 27:17

Yuuda kee Israayil maray badaaqat abahiyya kaadu, kok beyan duyyet milaaguh, Minnit deqsita rakaakayak baahen kamadi kee malabaay saliid (zeyti) kee dayla koh edde acayuk sugen.

Yoonas 1:3

Tonna'mmay Yoonas YALLAK kuda'gidih, aki qaxal gexe. Yaffa fan gexeeh; tokkel Isbaaniya gexxa doonik gee. Too doonikih kira igdiyya heeh, YALLAK elle yambooqoruh Isbaaniya gexa'gidih teetit kore.