Qedra 3:3 - NABUWWA KEE MALIKWA

³ Oson wokkel guubuh suge marak meysiteenih immay, tohuh, too aracay Yallih migaaqal sadgat elle aboonu waanahiyyah bicsak akah maraaqinnon. Too arac duma elle suge aracal bicsen. Tohuk lakal kulli ayro saaku kee carra tokkel sadgatah saq qidak yeneeniih, woo sadgatih cado cararisak yenen.

Qedra 3:3 Iomraidhean Croise

1 Aydaad 16:40

Maaci elle maacisinnaanimil, bari elle akinnaanimil, YALLI Israayil-ummattal ruube kitaabal elle tani'nnal, sadgat elle cararisan mansafal YALLIH migaaqal inkitanuuk cado akak cararisan sadgat aben.

2 Aydaad 4:1

Tohuk kalah kaadu nacaasak sadgat-elle-aban-mansaf bicseh yen. Too mansaf xexxaarah labaatanni cusul akkuk yen. Baguh kaadu labaatanni cusul akkuk yeneeh, fayyah kaadu tabna cusul akkuk yen.

Qedra 4:4

Tohuk lakal too baaxol dabaaqah suggu 'ye mari, Yuudâ-maray Yallih Qibaadah-Qari xisak sugek niya butukku heenih, tonnah kaadu, qari xisok meysiteenih akah raaqan innih gabbatiyyat gacen.

Qedra 5:15

Sarrak too numuk, «Tama mingilwa beyay Yarusalaamal yan Yallih Qibaadah-Qarih gacis. Yallih Qibaadah-Qari duma elle suge aracal xis» 'yaanam iyye.

Yacedkel 43:16

Kulli tattab akak xexxaarah laca mitri akkuk yen.