Qedra 3:2 - NABUWWA KEE MALIKWA

² Yahuuxadák-Yaasuwa kee kaa'lih ten seekaay, Saltiyál-Darabbabel deqsita num kee kay ramad, cado akak carrisan sadgat Yallah abaana'gidih, Yallih naqasuh yen Muusal oobe kitab elle iyya'nnal, Israayil doore Dageltah sadgat elle aboonu waan arac nammayhaak soolisen.

Qedra 3:2 Iomraidhean Croise

1 Aydaad 23:14

Muusay Yallih naqasuh yenehiyyah xayloh tu gactek, gersi maray Leewih yooboke migaaqal loowime.

1 Aydaad 3:17

Baabelon mari Yahoyaasin seewah bee. Kaak rade mari ah keeni. Usuk lab-xaylok malciin luk suge. Migooqa keenik, Saltiyal kee

1 Aydaad 3:19

Fadaaya lab-xaylok nammay xaleeh; Darabbabel kee Simqi deqsitak yenen. Darabbabel kaadu lab-xaylok nammay xaleeh; Masullam kee Cananya deqsitak yenen. Baxá kaak Seloomit deqsitak ten.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

Qedra 10:18

Marin marah yooboke agabu ginnaaqot abbaxuk suge marih migaq ah kaana. Seekak marin marah yooboke agabu ginnaaqot abbaxuk sugtem, Maqseyaahu kee Elqeeder kee Yaarib kee Gedalya deqsitta labha. Too mari Yahuuxadák-Yaasuwa kee kay toobokok rade marak ten.

Qedra 10:20

Immar deqsita gulubuk Canaani kee Dabadya deqsita namma num kaadu abbaxuk sugte.

Qedra 10:21

Caarim deqsita gulubuk Maqseyaahu kee Eliyyas kee Samaqya kee, Yaciyel kee Quddiyya deqsita mari abbaxuk suge.

Qedra 10:22

Fascur gulubuk Elyoqeenay kee Maqseyaahu kee Ismaaqil kee Netanel kee Yoodabad kee Elqasa deqsita mari abbaxuk suge.

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Qedra 3:8

Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

Qedra 5:2

Saltiyál-Darabbabel kee Yahuuxadák-Yaasuwa too namma nabi yab yoobben waqdi, Yallih Qibaadah-Qarih xisne wadir qimbisen. Too namma nabi xisol kaadu ken catteh.

Nacmiya 12:1

Ahaak addah migaq akak yanim, seeka kee Leewih yooboke maray seewah ken elle been baaxok yuduurehiyya. Ta mara lih tuduurem, Saltiyal baxa Darabbabel kee kaxxa seekih yen sek Yaasuwak ten.

Nacmiya 12:8

Leewih yooboke maray Yalla saarisak candu Yallah gacisak yenehiyya kaadu ah kaana. Yaasuwa kee Binnuy kee Kadmiyal kee Sereebiya kee Yuuda kee Mattanya deqsita numuk ten.

Caggay 1:1

Daryawes deqsita Malik Fursi-rasul tu edde taade malikih yen dabaanal, malik edde yekke nammayhaytô sanatak leceyhaytoh alsak inikhaytoh ayro, YALLIH farmo nabi Caggayal obte. Woo farmo YALLI akah ruubem, Darabbabel deqsita numuy Yuudâ rasul abbah sugehiyya kee Yoosuwa deqsita numuy woo rasul kaxxa seekih yenehiyyak ten. Darabbabel Saltiyal deqsita numih baxak ten. Yoosuwa kaadu Yahuuxadak deqsita numih baxak ten.

Caggay 1:12

Tohuk lakal Darabbabel kee kaxxa seekih yen Yoosuwa kee, wohuk kalah yan maray baatik saaboh raaqehiyyak yakkeenimiik, YALLI keenik aba elle inxicca 'ye innal, YALLI aba iyyem aben. Ayyunti YALLAY ken Dagelta kinnihiyyak meysitak yeneeh; tonna leemiik YALLI ruube nabi Caggay iyyem aben.

Caggay 1:14

Kay Qibaadah-Qari nammeyhaak xisaanamih fayxi YALLI keenit hee. Yuudâ-rasih amoytah yen Darabbabel kee, kaxxa seekih yen Yoosuwa kee, wohuk kalah yan maray baatik saaboh raaqehiyya yakkeemik, YALLAY Nabaamak Nabaah ken Dagelta kinnihiyyah Qibaadah-Qari bicsaanam qimbisen.

Caggay 2:21

Kaak iyyeemih, «Yuudâ rasuk abbah yan Darabbabelik intaamah: ‹Qaran kee baaxo edde asgayyu waa saaki xayiih;

Caggay 2:23

Yi naqasu Saltiyál-Darabbabelow, too ayro bahha koo heeh, abba koo abeyyooh, migdi gabah ferranto koh acayuk, ummat yi migaaqal xiinisetto. Sinaamak addak doorem koo. Tahat yabtam yoo YALLAY Nabaamak Nabahiyya› » iyye.

Zakariyya 3:1

Sarrak Yalli aki wacyi yoo yuybulle. Tohuu, kaxxa seekih yen Yoosuwa YALLIH malaykattih foocal soolah uble. Yoosuwak migdi tattabat Seetan soolah uble. Seetan Yoosuwa yastikiyuh bical gaceh yen.

Zakariyya 3:8

Kaxxa sek kinnitok, ko'lih yaaba yab ankacca hay. Isin kaadu kaa'lih tan seekay ankacisa. Sarra takku wayta maqaaneh asta kinniton. Anu faxa taamah taamitu waa numuy migaaqah Dawud Luddal muggaaqisaanahiyya ruubeyyo.

Zakariyya 6:11

Oson koh yacoonu waan lakqo kee dahabak kalabta bicisaay woo kaxxa seekih yan Yahuuxadák-Yoosuwak amot hayis.

Makaabon 6:24

Tokkel Gidqoon YALLIH migaaqal sadgat elle aban arac bicse. Too aracak migaaqah ‹Wagri YALLAT yan› 'yaanam iyye. Woo aracay sadgat elle abehiyya a saaku fan Qofra deqsita aracal yan. Qofra, Abiqeder gulub guubuh le aracak ten.