Qedra 3:1 - NABUWWA KEE MALIKWA

¹ Malcinhaytoh alsat kulli num isi magaalal keenik dabaaqah gace. Tohuk lakal yakkeenimiik Yarusalaamal gaaboowen.

Qedra 3:1 Iomraidhean Croise

Nacmiya 7:73

Seeka kee Leewih yooboke maraay, Yallih Qibaadah-Qarit dacayrih yen maraay, Yallih Qibaadah-Qarih addal saare abak yen mara kee, gersi maray Yallih Qibaadah-Qarih taamat yenehiyya kee raqqa iyye mari yakkeemiik isinni magaaloolil nookeeniih, dabaaqah elle gacen. Malcinhaytoh alsat Israayil marak uduurra ye mari yakkeemiik mariiy isi magaalal keenik nookeh yen.

Nacmiya 8:1

Too alsak inikhaytoh ayrot yakkeenimiik Yarusalaamal Leeh Afa deqsitta culmak foocal gaaboowen. Too waqdi YALLI Israayil ummatah Muusal ruube xinto elle tan kitab sek Qedrak, «Neh baaha» iyyen. Qedra too xinto intam digga haah yaaxige numuk ten. Qedra too waqdi too kitab baaheeh; too ayro tokkel labhaay agabu kee kaskassoowe urrih foocal yikriye.

Nacmiya 8:14

Qedra keenih elle yikriye innal, woo xinto axcuk teneemihii, Iraawô-Dabih-Qiid deqsita qiidih ayro, «Israayil ummatta woo qiid gaba kalam fanah daboyti-baxi addat gactay» axcuk ten.

Xafanya 3:9

«Tohuk wadir baadal tan ummatak afkan korseyyo. Deedaltaamay yalla axcuk yaqbudeenihiyya cabba heenih yol aduureloonuuh, yoo dibuk aqbudelon. Dooqa aban way, ‹YALLAW› axcuk yoo kallacelon. Tikka 'yaanamaak yi amri oggolelon.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.