Qedra 2:61 - NABUWWA KEE MALIKWA

^61-62 Seekah yooboke marak Cabaaya kee Hakkox kee Bardillay migaq luk yen gulub, seeka gacsaanamih digga mageytiminna. Bardillay deqsita gulubuy seekah gacsahiyya akak rade num, digibe saaku balli gulubul kaa muggaaqiseeniih, Bardillay kaak axcuk yenen. Ta mari inkih akak rade marih migooqa keenik mageytiminnaay; tonna-leemiik taahir ane waa maray seekat gacu duude waahiyyat ken loowen.

Qedra 2:61 Iomraidhean Croise

2 Samuwel 17:27

Dawud Macanaayim gufe waqdi, Qammon rasul tan Rabba deqsitta magaalal yooboke Soobi deqsita numut yongoorowe. Soobi Nacas deqsita numih baxak ten. Kalah kaadu, Makir deqsita numuy Qammiyel deqsita num xalehiyyay Lodabar deqsitta magaalal yooboke kee, Bardillay deqsita numuy Gilqad deqsitta rasuk Rogalim magaalal yoobokehiyyat yongoorowe.

1 Malikwa 2:7

«Gilqad rasul yooboke Bardillayah xayloh emeqaay amo keenik wagit. Woh akah kok axcem, ku toobokoyta Absalaamak kude saaku yoh yemqeenih yenen.

Nacmiya 3:4

Uriyyá-Mareemot deqsita numuy Hakkox deqsita numuk baxi baxah yanihiyya woo exxal katayta exxa bicse. Barkiyyá-Masullam deqsita numuy Masedbal deqsita numuk baxi baxah yanihiyya ciggilta exxa bicse. Baqná-Saaduk kaadu ciggilta exxa bicse.