Qedra 2:1 - NABUWWA KEE MALIKWA

¹ Duma seewah been marak rade marak, Yarusalaam kee Yuudâ rasu fan yuduure marih migooqa ah teeti. Ta mari akak rade mara yakkeemiik inkih, Nabkadnessar deqsita malik Baabelon baaxo fan seewah beeh suge. Too saakuk xabba haanam too baaxol baaxo caboytiitih sugen. Isinni baaxo gufen waqdi, kulli numuuy isi magaala fan keenik gace.

Qedra 2:1 Iomraidhean Croise

2 Malikwa 25:11

Tohuk gaba kale waqdi, Nabudardanay qaskar abbah yenehiyya magaalah addal raaqeh suge mara kee, gabâ-naggarinna luk yen mara kee, qeebi yekke way Baabelon qaxat gaceh suge Yuudah-mara inkih, Baabelon fan seewah bee.

1 Aydaad 9:1

Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.

1 Aydaad 9:2

Naharaak isi baaxo kee isi magaalooli fan gactem, seeka kee Leewih yooboke mara kee Yallih Qibaadah-Qarit taamah suge marih durruyyat kee keenik kalah yan Israayil mara.

Qedra 1:11

Sesbaxxar kee kaak kalih maray duma seewah beenih sugeenihiyya, Baabeloonuk Yarusalaam magaala fan gexen waqdi, dahab kee lakqok bicsen mingilwak tittat koona alfi kee affara bool takkem luk gexen.

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Qedra 2:70

Seeka kee Leewih yooboke mara kee, tonnah kaadu, gersi marak tu takkem dabqih Yarusalaam dariifa kee Yarusalaam addal gacen. Gad kee saare aba mara kee, Yallih Qibaadah-Qarit dacayrih yen mara kee, tonnah kaadu, Yallih Qibaadah-Qarit taamah yen mari dabqih Yarusalaam dariifal ten magaaloolil gacen. Tohuk raqqa 'ye mari duma ken kaxxa abbobti dabqih elle sugte magaaloolil gacen.

Qedra 5:8

Nabna le malikow, koh warisnaamah, «Nanu Yuudâ-rakaakay genxeh sugneeh, too waqdi kaxxa nabna le Yallah bicsen Qibaadâ-Qari naba xeetiy affara ruknik yanihiyya kee coox soolisah nuble. Xisne xayuk gaba kalta'gidih kaxxa taamah taamitaanaah, meqe'nnal akkuk ten.

Qedra 6:2

Too goran yekkeeh; sarrak Meediya deqsita rakaakayal geytinta Acmata deqsitta inaytâ-magaalal, yuktuben arabay xambaqut yani geen. Too arabih bagul kutbeh tenemiiy ahak ten:

Qedra 8:35

Allî-baaxok uduurra ye mari, Israayil doore Dageltih migaaqal cado akak cararisan saq sadgatah baahen. Sadgatah inkih tan Israayil ummattah migaaqal saqak baaheenim, taban kee namma awur kee marwak sagla-taban kee lica maruyuuy, anaaqek malcina-taban kee malcina anaqtuk ten. Too saq inkih yusguudeenih, cado akak cararisen. Tohuk kalah, isinni dambi kalootuh wadarak taban kee namma dabeela baahen.

Nacmiya 12:1

Ahaak addah migaq akak yanim, seeka kee Leewih yooboke maray seewah ken elle been baaxok yuduurehiyya. Ta mara lih tuduurem, Saltiyal baxa Darabbabel kee kaxxa seekih yen sek Yaasuwak ten.

Aster 1:1

Malik Ekserkas deqsita malik, dardaarinni korsi elle luk yen Fursi-rasuk inaytah-ten-magaalay Suusa-deqsitak-tenehiyyal gacca 'yeh Hindi-rasuk xabba haanamaay, Kuus-rasuh amma 'yaanam tan baaxoy bool kee labaatanna kee malcina rakaakay takkehiyyal ackamuk yen.

Aster 1:11

Too malcina num yemeete waqdi, «Gexay Maliká-Wastik, ‹Dardaarinni-kalabta amot hayya haay akke am› teetik inxica» iyye. Is kaxxa qax-maqaane luk teneeh, malik tet qax-maqaane kay gubal tan doolat abbobti kee yemeete qibini kaah yableenim faxe.

Aster 1:3

Too malik edde dardaare sidochaytô sanatat, qaffaydah kay gubal doolat-taamak-saqoltih yan mara kee, xintoh-abbobtih yan marah inkih kaxxa xigla abe. Too xiglah Fursi-rasu kee Meediyah-rasul tan qaskar kee, rakaakayittel xintok abbobti kee muddaqiyitte inkih temeete.

Aster 1:8

Malik, xiglah akah seece marah faxxa haanah gide maqabak keenih ucuya 'yaanam axcuk, malik-gasot-taamita-akdaamah amri yecee. Tohuk gexxaamah yemeete marah caddo sinni maqab yeceen.

Aster 8:9

Aham edde tekkem sanatak sidochaytoh alsay Siiwan deqsitahiyyak labaatanna kee sidochaytoh ayrok ten. Mordakay malik kutbe-abeenitih secca yeeh, malik gubat xinta baaxoy Hindi-rasuk xabba haanamaay, Kuus-rasuh amma 'yaanam takkehiyyah addal tan bool kee labaatanna kee malciin takke rakaakayittel tan xintoh-abbobti kee doolat-saqolti kee doolatat-kaxxa-arac-le-marah yaktuboonu waanam keenih warse. Too mari too baaxol enna 'ya marak kulli marah le marih af kee feerat yuktuben waraakit ruuben. Yahuud marah kaadu isi af kee feerat too waraakit ruuben.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Ermiyaas 50:19

Israayil mara le baaxoh gacseyyo. Ahak sarra ken laa Karmel kee Basan rasul aloolele. Efrayim kee Gilqad rasul taabuku wayta darok isinnih faxeenih gide akmelon.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.