Qedra 10:8 - NABUWWA KEE MALIKWA

⁸ «Gulubwah saqolti titta geytaamah: ta amri oobba heeh sidooca ayroh addat amaate wee numuk edderra heem kaak beelon. Toh lih kaadu Israayil numuh maraaqay kedok awqele» 'yaanam axcuk keenih ruuben.

Qedra 10:8 Iomraidhean Croise

Qedra 10:7

Sarrak, «Marin baaxoy elle sugehiyyak yuduureeh, away Yarusalaam kee Yuudâ rasul enna 'ya maraw, tikki 'taanamak Yarusalaam fanah ama» 'yaanamih farmo ruuben.

Qedra 10:9

Sidooca ayroh addat, sanatak sagalhaytoh alsak labaatanhaytoh ayro, Yuudâ rasu kee Benyam rasul sugga 'te labha inkih Yarusalaam fan temeeteeh; Yallih Qibaadah-Qarih daaratal mododen. Too ayro kaxxa rob radeeh; takkay immay akah yemeeten qaadak maca net akkeleh kaxxam cunxiten. Kabuk teenak rob keenil radeeh; kabuk teenak maca net akkele meysih axaxo keenit hayte.

Qedra 7:26

Ku Dageltih xinto intam abe waa num yenekiiy, hinnay kaadu, rasi madqa cina num yenek, too numul digaalah rabi amaate kee, hinnay kaadu, baaxok kaa ayyaaqe kee, buxal luk suge yeddere duyye kaak bukkuse kee, woh akke wayteh casbit kaa hee yakkeenimi» 'yaanam elle tan warkat kaal yecee.

Nacmiya 13:28

Yoyaadaq kaxxa seekih yen Elyaasib baxak yen. Takkay immay kay baxi Sanballat deqsita numuy Beet-Coron deqsitta magaalal yoobokehiyyah baxál digibe. Tohuk gexxaamah Yoyaadaq Yarusalaam magaalah addak eyyeeqeh.

Nacmiya 13:3

Israayil mari tohim keenih yikriyen waqdi, marin baaxoh maray ken addal suggu 'yehiyya inkih isinni addak ken yeyyeeqeenih.

Yoosuwa 6:19

Lakqo kee dahabaay, nacaas kee birtak bicsen duyye inkih YALLAH rikeek yan aracal haanam faxxintaah, Yallih im elle haan ikkel daanisaanam faxxinta» 'yaanamih amri keenil oobise.

Makaabon 21:5

Sarrak iyyeenimih, «Israayil marak Mixfa fanah YALLIH foocal gaabownah amaate wee mari maay yan?» iyyen. Toh akah iyyeenim, Mixfa amaate wee num qideloonumul xiiba culeenih yenen.

1 Samuwel 11:7

Sarrak namma awur bahha heeh exxa-exxah kuramkurra hee. Tohuk lakal farmoh ruube marak, «A exxaaxi inkih tan Israayil baaxoh mara fan beyaay; ‹Samuwel kee Saawul lih gaaduh gexe wayu waa numih awurwat tama'nnah tanim akkele'mmay, maraaqina› keenik inxica» iyye. Tohuk lakal YALLI Israayil marat cunxo ruubeeh; too meysih num keenik maraaqinnay, yakkeenimiik inkih yemeeten.