Qedra 10:4 - NABUWWA KEE MALIKWA

⁴ A taama absiisaanam kol tan. Nanu koo katayennok, atu nee absis; a taamal digga 'xic» iyye.

Qedra 10:4 Iomraidhean Croise

1 Aydaad 22:16

dahab kee lakqo kee nacaas kee birtak mansafwâ-bicsa yaaxigehiyya kaadu lito. Tahak wadir taama qimbissaamaay, YALLI koo elle catay» kaak iyye.

1 Aydaad 22:19

Tohuk gexxaamah, taway YALLAY sin Dagelta kinnihiyyal isinni afqado kee niyaak taduureenimi. YALLIH Qahdih-Sandug kee Yallih qibaadah nabbixe duyyey taahirik tanihiyya addal akak haytaana'gidih, Dageltah yan YALLIH nabnah Qibaadâ-Qari xisa» 'yaanam keenik iyye.

1 Aydaad 28:10

YALLI isi Qibaadah-Qarih xissa'gidih koo doorem kassa haay mahawweenin. Tahaysa kay qarih xisnet cultaamaay gaba kalla haytam fanah, fanat akak aade waytaama» 'yaanam kaak iyye.

1 Aydaad 28:20

Tohuk gaba kale waqdi kaak iyyeemih, «Tahaysa, yi baxaw, niya haysitaay abtaamak agaagul cabba haay digga 'xic. YALLIH Qibaadah-Qarih-taama qimbisaay, faxem takkeemih fanat akak maadayin. Dageltah yan YALLAY yi Dagelta kinni koo elle catele. A taamak gaba kalla haytam fan kol macabay koo elle catak sugele.

1 Aydaad 28:21

Qibaadâ-Qari xissu wayta saaku, seeka kee Leewih yooboke mari kaadu addal akak aboonu waan taamah bical yanin. Gabâ naggaarinna elle haah taamah ixxiga elli haa mari a taamal cataanamih fayxih qambaxxaagitak yanin. Wohuk raqqa 'te ummat kee ken abbobti a taamal atu ken akah amrisinnaanim abelon» 'yaanam kaak iyye.

Qedra 10:5

Too waqdi Qedra, Sekanyak iyyem abaana'gidih, seekah abbobti kee Leewih yooboke mara kee kalah raqqa 'ye mara xibsiise.