Qedra 10:18 - NABUWWA KEE MALIKWA

¹⁸ Marin marah yooboke agabu ginnaaqot abbaxuk suge marih migaq ah kaana. Seekak marin marah yooboke agabu ginnaaqot abbaxuk sugtem, Maqseyaahu kee Elqeeder kee Yaarib kee Gedalya deqsitta labha. Too mari Yahuuxadák-Yaasuwa kee kay toobokok rade marak ten.

Qedra 10:18 Iomraidhean Croise

Qedra 10:17

Sidooca alsih addat marin marah yooboke agabu ginnaaqot yabbixe marih qaadak adda tabba 'yeenih yemeeten.

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Qedra 2:36

Seekah aabakuk suge marak tuduurem ah teeti: Yaasuwa kaxxa abbah akak raaqa gulubuy Yadaqya deqsitahiyyak sagla bool kee malcina-taban kee sidiica sek yuduure. Immarak rade marak alfi kee kontom kee namma sek yuduure. Fascuruk rade marak alfi kee namma bool kee morootom kee malcina sek yuduure. Caarimik rade marak alfi kee taban kee malcina sek yuduure.

Qedra 3:2

Yahuuxadák-Yaasuwa kee kaa'lih ten seekaay, Saltiyál-Darabbabel deqsita num kee kay ramad, cado akak carrisan sadgat Yallah abaana'gidih, Yallih naqasuh yen Muusal oobe kitab elle iyya'nnal, Israayil doore Dageltah sadgat elle aboonu waan arac nammayhaak soolisen.

Qedra 3:8

Yuduure mari Yarusalaamay Yallih Qibaadah-Qari elle suge arac kinnihiyya gufeenimih nammayhaytô-sanatak nammeyhaytoh alsat, Yarusalaamal gaabooweenih, Qibaadâ-Qarih-xisne duma elle suge'kkel nammeyhaak xisaanam qimbisen. Saltiyál-Darabbabel kee Yahuuxadák-Yaasuwa kee, wohuk kalah yan ken marak seekaay, Leewih yooboke mara kee, elle sugen marin baaxok yuduure marak num raaqe'kal, yakkeenimik inkih, too taamat gaba yessegellen. Leewih yooboke marak labaatanni karma akke kee wohuk fula aalle yakke mari inkih, woo qarih xisoh taama elle takke'nna amo wagitak yenen.

Qedra 5:2

Saltiyál-Darabbabel kee Yahuuxadák-Yaasuwa too namma nabi yab yoobben waqdi, Yallih Qibaadah-Qarih xisne wadir qimbisen. Too namma nabi xisol kaadu ken catteh.

Qedra 9:1

Tohum inkih abeenik lakal, Israayilik saqoltih yan marak garab yemeeteeh, yok iyyeenimih, «Seeka kee Leewih yooboke mara kee kalah tan ummatta, a cuggaaneh keenik yan mara kee oson edde asan umâ-yabulih tan qaadoodik yaxxeeroonu cineenih. Too maray keenik cuggaaneh yanihiyya duma a baaxol sugen Kanqaan kee Ciita kee Feriida kee Yabuusa kee Qammon kee Mooyab kee Masri kee Amoora mari abak suggu 'ye umâ-yabulih tan taama aban.

Qedra 9:2

Israayilih yooboke mari isi kee isi xayloh, allî-marih baxuw rihimih abitaanam baahen. Yalli doore maray taahirik yanihiyyak sugeeni'mmay caraamiteenih. Kedoh abbobti kee doolatak kaxxa aracat yan mari ta uma taamak foocat gace» 'yaanam yok iyyen.

Nacmiya 12:10

Yaasuwa, Yoyaakim xale; Yoyaakim Elyaasib xale; Elyaasib Yoyaadaq xale;

Nacmiya 13:28

Yoyaadaq kaxxa seekih yen Elyaasib baxak yen. Takkay immay kay baxi Sanballat deqsita numuy Beet-Coron deqsitta magaalal yoobokehiyyah baxál digibe. Tohuk gexxaamah Yoyaadaq Yarusalaam magaalah addak eyyeeqeh.

Nacmiya 8:4

Too ayro aben gaabownal, Qedra too kitab keenih elle yikriyem, bocok bicsen fayya 'ya aracih amok ten. Usuk too kitab keenih yikriye waqdi migdi kabut kaak sugtem, Mattitya kee Samaq kee Qanaaya kee Uriyya kee Cilkiyya kee Maqseyaahu deqsita numuk ten. Guri kabuk kaak tenem, Fadaaya kee Misaayel kee Malkiya kee Casum kee Casbaddana kee Zakariyya kee Masullam deqsita numuk ten.

Nacmiya 8:7

Tohuk lakal solla 'yeeniih soolol elle yeeden. Sarra Leewih yooboke mari xinto elle tani'nna keenih warse. Keenih warissem, Yaasuwa kee Baani kee Sereebiya kee Yaamin kee Qakkub kee Sabbatay kee Hoodiya kee Maqseyaahu kee Kaliita kee Qadarya kee Yoodabad kee Canaan kee Felaaya deqsita numuk ten.

Ermiyaas 23:10

Baaxo inkih YALLAL luk sugen imaan cabe marak temegge. Abaarô-sabbatah baaxo kafteh; rookat tan. Lacti qayso luk teneeh, lac elle alooluk yen baaxo kafteh. YALLAL luk sugen imaan keenik yeerreh; umam aban. Lon abbootanat gita maliinoh tanim aban» iyye.

Ermiyaas 23:11

YALLI iyyeemih, «Nabuwwa kinnino iyya mara kee seekah yooboke marak num mayaysay inkih darre yot caben. Yi Qibaadah-Qarih addal oson aban umaanet anu innih ken ibbixe.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Yacedkel 44:22

Seeka cabtentoh tan barra digibe waanama. Israayilih tooboke baxuwway bikirit tanihiyya akkiiy, hinnay kaadu, seekik raqte gubnak kalih agabul rihime waanama.

Caggay 1:1

Daryawes deqsita Malik Fursi-rasul tu edde taade malikih yen dabaanal, malik edde yekke nammayhaytô sanatak leceyhaytoh alsak inikhaytoh ayro, YALLIH farmo nabi Caggayal obte. Woo farmo YALLI akah ruubem, Darabbabel deqsita numuy Yuudâ rasul abbah sugehiyya kee Yoosuwa deqsita numuy woo rasul kaxxa seekih yenehiyyak ten. Darabbabel Saltiyal deqsita numih baxak ten. Yoosuwa kaadu Yahuuxadak deqsita numih baxak ten.

Caggay 1:12

Tohuk lakal Darabbabel kee kaxxa seekih yen Yoosuwa kee, wohuk kalah yan maray baatik saaboh raaqehiyyak yakkeenimiik, YALLI keenik aba elle inxicca 'ye innal, YALLI aba iyyem aben. Ayyunti YALLAY ken Dagelta kinnihiyyak meysitak yeneeh; tonna leemiik YALLI ruube nabi Caggay iyyem aben.

Caggay 2:4

Taway ugutay xisne qimbisa. Niya siinik rade waytay. Wakalih anu sin lih anik, xiso qimbisa.

Zakariyya 3:1

Sarrak Yalli aki wacyi yoo yuybulle. Tohuu, kaxxa seekih yen Yoosuwa YALLIH malaykattih foocal soolah uble. Yoosuwak migdi tattabat Seetan soolah uble. Seetan Yoosuwa yastikiyuh bical gaceh yen.

Zakariyya 6:11

Oson koh yacoonu waan lakqo kee dahabak kalabta bicisaay woo kaxxa seekih yan Yahuuxadák-Yoosuwak amot hayis.