Qedra 1:2 - NABUWWA KEE MALIKWA

² Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Qedra 1:2 Iomraidhean Croise

1 Malikwa 8:27

«Yi Dageltaw, baaxo koo tabbixeemih dudda geelee? Qaran kee qaraanak ellecabot raqta qaraanitte tabbixu dudda akah gee wayta Dagelta kinnitok, hay, xise-qari-baxi mannal koo abbixele?

2 Aydaad 2:12

YALLI, Malik Dawuduh kas le baxay bagi cubbi leeh, ixxiga akak dudda lehiyya yeceeh yan. Tonna-leemiik kay baxi YALLA elle yaqbuden qari xisaamat yemeeteeh; isih kaadu malik-qari xisaamat yemeeteh yan. YALLAY Israayil doore Dagelta kinnihiyyay qaran kee baaxo yuklukehiyyah fayla taafay.

Qedra 1:5

Tohuk lakal Yuuda kee Benyam kedoh abbobtiiy, seekaay, Leewih yooboke mara kee, tonnah kaadu, Yalli fayxi edde hee mari inkih, YALLIH Qibaadah-Qariy duma yiddigilleh sugehiyya xisaana'gidih, gexoh bical gacen.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

Qedra 4:3

Darabbabel kee Yaasuwa kee raqqa inte Israayil-abbobti keenil gacisseemih, «Sin kee nee titta lih qari xisnam neh midnisinta. Fursi-malikih yan Kooris nee elle amrise innal, numtin cato faxe'kal, YALLAY Israayil doore Dagelta kinnihiyyah qari ninnih xisenno» keenik iyyen.

Qedra 5:15

Sarrak too numuk, «Tama mingilwa beyay Yarusalaamal yan Yallih Qibaadah-Qarih gacis. Yallih Qibaadah-Qari duma elle suge aracal xis» 'yaanam iyye.

Qedra 6:10

Toh siinik akah axcem, ta sadgat aban waqdi qaraanal yan Yalli ruffa axcuk a sadgat oggola'gidiiy, yoo kee yi xaylot barkat haa'gidih, seeka dooqa abta'gidih axce.

Qedra 6:3

«Malik Kooris malik edde yekke sanatat amri yeceeh iyyeemih: Yarusalaamal yan Yallih Qibaadah-Qariy yiddigillehiyya sadgatah saq elle qidaana'gidih, nammeyhaak xisaanama. Too qarih rakiibo haanama. Yallih Qibaadah-Qari xisan waqdi fayyah lactam cusul kaa abaanama. Baguh kaadu lactam cusulih gide kaa abaanama.

Qedra 7:12

Too warkatal axcuk yeneemih, «A warkat rubtam, yoo kaxxa amoytah yan Artacsasta. Akah ruubam, sek Qedray qaraanal yan Yalli ruube xinto intam yaaxigehiyya. Naharak salaamatta kol qida.

Nacmiya 1:4

Too xaagu oobbe waqdi, daffa exceh weeqe. Dago ayroora rookat sugeeh, too ayroora maaqo xage'kal suge. Yalla kallaceeh,

Nacmiya 1:5

exceemih, «YALLAW, Qaraanal yan Dageltaw, atu naba Dagelta kinnitooh; nanu kok meysinnah. Koo kicna mara kee ku amri oggola mara lih abte bica xagura Dagelta kinnito. Woo mara luk lito kacani mayambaxa.

Yasaqya 41:2

«Qeebil yaysu waa num ayrô-mawqa le kabuk bahtem iyyaay? Isi taama aba'gidih, qadaalatat kaa bahtem iyyaay? Amoytit kee ummatak iisa kaa geysissem Yalla. Qeebil seefit ken selele. Caaco caffa duufut elle beyta'nnal, siisa ken abeleeh; gaysê-baxat ken selele.

Yasaqya 44:26

Takkay immay yi naqoosa, ‹Annah tanim akkele› akak intem kee yi farmoytit, ‹Yalli nek iyye› axcuk edde yabba 'tem inkih numma akkele. Yarusalaamal ahak sarra ummat dabaaqah gacele. Yuudâ-magaalooli ahak sarra xissiimele. Too magaalooliy abuuruh sugtehiyya ahak sarra xissiimele 'yaanam exceeh; toh akkele.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Yasaqya 45:1

YALLI, Kooris malik yakke'gidih doore. Ummattak qeebil yayse num yakke'gidih, kaa doore. Amoytittek tikiya kala'gidih, kaa ruube. YALLI, magaalah afoofi kaah fakeleeh, alifut tan afa kaah masugta.

Yasaqya 66:1

YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

Ermiyaas 10:11

Too duyye yaqbude marak intaanamah, «Isin taqbuden duyye qaran kee baaxo magininna. Tonna immay isih bayak maaciseleeh, baaxo bagul maraagta» keenik inxica.

Ermiyaas 27:5

Inni kaxxa qande kee duddat ta addunya gineeh, sahdaytu kee alluwway tet bagul tanihiyya kaadu gine. Innih ginem innih faxe numuh yacayu duuda Dagelta kinniyo.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Daaniyel 1:21

Daaniyel Malik-Kooris deqsita malik Baabelon rasul dardaare saaku fanah doolat taamal elle suge.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 2:28

Takkay immay Yallay qaraanal yanihiyya sirrih tanim yableeh yaybulle. Yalli, atu xiinit sugte waqdi, sarra yan saaku takku waytam koo yuybulleeh yan. Tublem aham teeti:

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 4:32

sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Daaniyel 6:25

Tohuk lakal Malik-Daryawes kulli rasih ummatta kee mariiy isi kedooda kee isi af akak le ummattay isi xintoh gubat tan baaxooxal geytimtahiyyah inkih, warkat ruubeeh iyyeemih, «Naharak salaamatta siinil qida. Gaddi siinik amagguk yamaggay axcih!

Yoonas 1:9

Yoonas keenil gacsemii, «Akah oobokem Qibraayisti. Elle aaminem YALLA. Usuk qaraanal yaniih; baaxo kee bad inkih gintem kaa» keenik iyye.