Qaamus 9:6 - NABUWWA KEE MALIKWA

⁶ YALLI isi dabaq qaraanal hee. Baaxok dagal hawa xiseeh, daabiseh. Baddi lee qaran eyyeqqa hayteeh, wadir baaxol tet oobissam kaa. Toh inkih abtam YALLA kinnim ixiga.

Qaamus 9:6 Iomraidhean Croise

Ermiyaas 5:22

Anu YALLA kinniyok, macah yok meysite waytan? Yok foocal macah axaxite waytan? Bad edde yaade aracah qidde abe; bad too qiddek bisoh way mataba. Bad saacilik koram takkeh immay kaah heeh aracak taturra 'yeh bisoh magexa. Bad haffitaah xongolaamah, isi arac cabeh magexa.

Qaamus 4:13

Qaleela tuklukeeh, silaytu gintem, YALLAY Nabaamak Naba Dagelta kinnihiyya. Sahdayti rooci ginteeh; abu waam sahdaytuh warissam kaa. Ayrô-diifuk ditel korissam kaa. Baadal inkih mulki lem kaa. YALLAY Nabaamak Naba Dagelta kinni abam cubbusa!

Qaamus 5:8

«Adal deqsitta cutuuka gintem YALLAAY; Malcino qaran bagul haytem kaa. Bartî lakal saaku gintaah, maaci lakal bar gintam kaa. Baddi lee qaran eyyeqqa hayteeh, wadir baaxol tet oobissam kaa. Cayla-leela bayissaah; reebuh lon gasoosa taggilem kaa. Toh YALLA kinnim ixiga.