Qaamus 9:13 - NABUWWA KEE MALIKWA

¹³ YALLI kaadu iyyamaa: «Daro toobokem kee orobtem inki adda edde takku wayta wakti amaatele. Qinab xala coox mango qinab xaleleeh; woo qinabak kamri ummaan way edde bicissu wayta wakti amaatele. Qaleelak salfa le qinab-kamri tif axcele. Koomaami qinab-kamri darah innah caxitele.

Qaamus 9:13 Iomraidhean Croise

Yasaqya 16:10

Mangom elle aabakuk ten baaxoh mari ruffa lem mali. Qinab elle aabakuk yen baaxoh mari gad abtam mali. Kamri akak bicsoonuh edde yaaqiten qinab mayana. Anu, oson wallitak abak yenen waxxaqto tibba hee.

Yasaqya 55:13

A saaku waaqeexa elle tan aracal, saagan aabukele; sibaasib elle yan aracal, ceba aabukele. Taham, YALLA elle kassitan waarta asta takke» iyyah yan.

Yacedkel 28:26

Too baaxol amaanah xiinelon. Tokkel buxaaxi xissiteloonuuh, qinab coox abqurelon. Cuggaaneh keenik yan maray ken bursutak suge digaaleyyooh; Israayil amaanah xiinele. Too waqdi anu YALLAY ken Dagelta kinniyom aaxigelon.

Yacedkel 36:35

Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Ayyuqel 2:24

Daro elle orbisak yenen aracal mango daro orbele. Mango qinab kee zeyti (saliid) akak bicsen cooxih xaylo orbiseloonuuh; qusba kamri kee zeytik tanooka amaggele.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Ayyuqel 3:20

Rabe marih cane gacseyyo. Umaane abe marat macaba. Takkay immay, Yuuda kee Yarusalaam mari, adok ado fanah isi dabaq macaba. Yoo YALLAH tu gactekiiy Siyon Qalel gaceyyo» iyye.

Qaamus 9:5

YALLAY Dagelta kinnih, Nabaamak Nabahiyya baaxol inti haa waqdi, baaxo diyaayak sutta inta. Niil weeqayti leek yamagge saaku elle koramkorsima'nnal, baaxo kabuk kabul koramkorsimta. Teetil yan mari inkih weeqa.

Makaabon 5:5

Qaleeli YALLAY Siinâ-qale yamlikeh foocal axaxiteh YALLAY Israayil doore Dagelta kinnih foocal axaxiteh.