Qaamus 9:10 - NABUWWA KEE MALIKWA

¹⁰ Yi marih addak too dambi le maray ‹Umam net matakkaay tu nee maxagta› iyyahiyya seefit seleyyo» iyye.

Qaamus 9:10 Iomraidhean Croise

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 5:19

Isin, «Yalli abeyyo iyyem sissikuk abam kaak nabalu wayna!» intan. «A Israayil doore Dageltay *kudduusuk yani abam faxam duudusam keh, kaak waginnu wayna» intaana'mmay, woyyow, siinit takku waytaama!

Yasaqya 56:12

Iyyaanamah, «Ama qinabak bicsen kamri neh baahaay, dudnah gide akak naaqubay. Beeri kaadu a saakih innah maacise kee ayse akkelek» iyyan.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 29:32

Tonna'mmay Samaqya kee kaak radda 'ye marat raq sinni digaala abeyyo. Tahaysa kaa kee kaak rade mara matablan. Anu inni marah abu waa maqaanet magarayan. Yi yab cina mara sin abe'mmay, tohih sabbatah tamah kaal baahu waama. Tahat yabtam yoo YALLA› keenik inxic» yok iyye.

Yacedkel 20:38

Yi yab cinaah anu axcem abe waa mara sin fanak ayyaaqeyyo. Away elle yanin baaxok ken ayyaaqeyyo'mmay, ahaysa Israayil rasu aduuri ken maha. Too saaku YALLA kinniyom yok aaxigetton› 'yaanam iyye.»

Qaamus 6:1

Qaamus kaadu iyyemii, «Siyoonul meqe manoh tan abbobti kee, Samaariyal raacatat tan abbobtiy, siinit takku waytam abletton. Israayiliy kaxxa doolatah tanihiyyak kaxxa mara kinniton. Catoh sinam siinih tamaateemih, siinit takku waytam abletton!

Qaamus 6:3

Isin, ‹Ahaysa uma ayro matamaata; temeetek kaadu xayuk matamaata› 'yaanam intaanah, tohuk gexxaamah uma-taamat assan. Sin uma-taama woo ayro xayyoysele'mmay, siinit takku waytam abletton.

Qaamus 9:8

Yoo YALLAY Mulki le, ahaysa Israayil ummatay yab aabbe sinnihiyyal inti haam faxa. Israayil ummat baaxô-bagul macaba. Takkay immay Israayil nasab inkitanuuk mabaysa. Tah intam yooy YALLA kinni.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

Malaaki 3:15

‹Tahaysa farcaanak tanim, kaxxiina le mara axcenno› intan. ‹Uma taamat asa mari gaddalitte yakkeeh; Yallal saduh gaca marat takkem matan› intan» iyye.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.