Qaamus 9:1 - NABUWWA KEE MALIKWA

¹ Qaamus kaadu qagseh iyyemii, «Goyti sadgat elle aban mansafih xaqul soolah uble. Too waqdi iyyeemih: ‹Dooqa elle aban qarih culmah ranko tangayyem fanah, qari elle soola qamiddu utuk. Butukka haay qari sinaamal akah yaddigille innah ab. Too qari elle yiddigille marak kalih maray raaqehiyya anu seefit seleyyo. Yaawweenimih mayasilliman. Yasillimeenim yakkaleenimih rabak mawaddiiman.

Qaamus 9:1 Iomraidhean Croise

2 Aydaad 18:18

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migdaa kee gurak kaa maraasiyot kaa abbaxih ubleh eneeh;

Yasaqya 30:16

Tohih aftok isin, «Kaxxa arda le faariisit gacca 'neeh kudenno» inten. Nummah kudetton! Sin faariisa kaxxa arda lem takkaleeni'mmay, ama lakak sin yayradde mari siinik aakumele.

Yasaqya 6:1

Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Ermiyaas 11:11

Tonna leemiik yooy YALLAH yani taway bala keenil ruubu waam naharal ken aysixxigeh ani'mmay, kudaanam faxaanamah mayasillimaanam yaaxigeenimi. Catoh yol weeqaanamah, keenik maabba.

Ermiyaas 42:16

tonnal too akak meysittan carbi Masril siinit akkeleeh, akak cunxittan qulul tokkel sin abbixeleeh, elle rabetton.

Ermiyaas 48:44

A balak kudam faxa num yenek, boodot radele. Boodok waalih gacam faxa num yenek, kaadu ofloh addat radele. Tah dumaak ken elle digaala'gidih eyyeeqe gitaay; ta digaalak way macattiiman. Tahat yabtam yoo YALLA» iyye.

Yacedkel 1:28

Too ifuy urahiyya qaran-bagih calawwaytu bisu luk yeneeh; YALLIH nabna yaybulle ifuk ten. Toh eexege waqdi, gomboh baaxok bagul rade. Sarrak yabti xongolo yol radde.

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Yacedkel 15:7

Naharsi girak yisillimeenih immay, away gersi girat cararelon. Anu ken digaala saaku, YALLA kinniyom yok aaxigetton.

Yacedkel 9:2

Tonna luk Yallih Qibaadah-Qarik kilbat le kabut raqta kaxxa afay akak culaanahiyyak lica numuy silac gabat le culah uble. Ken lih *baftak bicsen meqe sarot sartanah yan numuy kutbe elle aban duyye gabat lehiyya uble. Amma 'yeeniih, nacaasak bicsen sadgat elle aban aracih garil soolen.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Cabakkuk 3:13

Akah temeetem, Dageltaw, isi-ummatay dumaak doorte catta'gidiiy wadda'gidi. Umeenitik abbah yen num bayisseeh, taqqa kaat inte. Kay qaskar kaa'lih finqisse.

Xafanya 1:12

YALLI kaadu qagseh iyyeemih, «Too ayro gabat faanus hayya heeh Yarusalaam magaala gorriseyyo. Isil kaxxa kibaal le maray isit kaxxam yakkalehiyya digaaleyyo. ‹YALLI abba haamah lem mali. Meqem neh maabaay; umam nel mabaaha› iyya mara digaaleyyo.

Xafanya 2:14

Saqa kee alak alaakulleyta akak inxicca yaanamih dabaq abele. Tiddigille qarwat inin dabaaqah gacele. Inin kulli taagatak kaayele. Kulli qarik afal kuraani kaay antaabbele. Naqboytit, qarwa akak xisen *sariida kalla heenih beelon.

Yoosuwa 10:18

Yoosuwa iyyemii, «Kaxxa xaa bahha haay woo gabla akak culan afal haa. Tokket dacayrih sahda haa.