Qaamus 8:7 - NABUWWA KEE MALIKWA

⁷ «Tohuk gexxaamah, YALLAY Yaqkuubuk-rade-mari-yassakaxxehiyya isi migaaqal xiibiteeh, iyyemii, ‹Sin taama aaxigeeh, mahawweena.

Qaamus 8:7 Iomraidhean Croise

Yasaqya 22:14

YALLAY Nabaamak Nabahiyya isih yo'lih yaabeeh, iyyemii, «A umaanek rabba 'yaanam fan qafu mageyan» axcuk xiibite. Ah intam, YALLAY Dagelta kinnih, Nabaamak Nabahiyya.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Ermiyaas 17:1

YALLI iyyemii, «Yuudah-ummatey, isin edde tanin umaane birti-kalamat tunkuttubeh tan. Afqadok bagul siinik tunkuttubeh tan. Edde tankuttubem, birti-kalamay af akak gibdi-xaak yanihiyya kinniih; elle siinik tunkuttubem, afqado kee sadgat-bagul-akak-abtan-arooca.

Ermiyaas 31:34

Too saakuk wadir, qunxa numuuy kaxxa num, nagay yoo aaxigeleeh; tonna leemiik, faxe num isil xayi num akkiiy isi baaxoh numuk, ‹YALLA nagay ixig› akah iyyam maraqta. Duma aben dambi keenih cabeyyooh; baahen qellatak qafu keenih axceyyo. Qahdih keenih culam tohu. Tahamat yabtam yoo YALLA» iyye.

Ermiyaas 44:21

«Sin kee sin kaxxa abbobtiiy, sin malikwa kee siinik saqoltih yan mara kee, wohuk kalah tan ummata, Yuudâ-magaalooli kee Yarusalaam-gititteh addal abak sugen sadgat YALLI mahawweeninna'mmay, hawweenem makkalina. YALLI isin woh abak sugteenim aaxige waak yenem makkalina.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Hosiqa 8:13

Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Qaamus 4:2

Tohuk gexxaamah, YALLAY Mulki leeh *taahirik yanihiyya siinik iyyamaa: ‹Sanat santiita siinik hayya heenih, gillaabat badak addak yayyaaqen kulluumih innah, sin giitak beyoonu waan ayroora amaatelem ixiga.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.