Qaamus 8:14 - NABUWWA KEE MALIKWA

¹⁴ Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Qaamus 8:14 Iomraidhean Croise

1 Malikwa 12:32

Too maray seeka akak iyyaanahiyya kaadu Beetal-magaalal hee. Yuudâ-rasul abak sugen qiidih gurral, sanatak bacarhaytoh alsak taban kee konoyhaytoh ayrot qiidih edde asan ayro doore. Beetal deqsita aracal isih bicse daheltih ceeloh, sadgat-arac bicissa heeh, sadgat akah abe.

1 Malikwa 14:16

YALLI Israayil ummatat darre cabele. Toh macaay intek, Yarobqam edde ase dambi kee, Israayil mara edde asise dambih sabbata» teetik iyye.

1 Malikwa 16:24

sarrak Samar deqsitak yen numuk lica alfih garsih kooma xaame. Woo koomat maro heeh sarrak tokkel magaala xise. Too magaalak migaaqah Samaariya iyyeeh; elle muggaaqisem, kooma akak xaame numuy Samar deqsitak yenehiyyak ten.

2 Malikwa 10:29

Takkay immay usuk isih, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak suge. Malik-Yarobqam dahabak bicsen daheelah ceeloy Beetal kee Daan deqsita aracal bicsehiyya yuqbudeeh, Israayil ummatta inkih too dambit asise. Yaahu kaadu tohim yuqbude.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 43:17

Too dabaanal celeemah tan qaskar edde baatu wayta gitat ruube. Too qaskar faras-gariira kee faroosa qeebih luk gexxe'mmay, elle gexen ikkel akak ugte waan niksoh yinnikisseeniih, mano luk maraaqinnon. Urta dubaalat elle bargusan innal, xaynal Yalli ken barguseh.

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Ermiyaas 51:64

Too waqdi, ‹Baabelon, YALLI teetil baahu waa umaaneh, too warkatih innah, suteleeh, wadiriik muugutta› 'yaanam inxic» kaak iyye. (Sinam isih is taqbissa.) Ermiyaas yab tama ikket yaade.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Hosiqa 13:2

A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Qaamus 5:1

Qaamus kaadu qagseh iyyemii, «Israayil ummatey, siinit takku waytaamah takke booge ankacisa.

Qaamus 5:2

Israayil ummat seefit tinnikisseeh, ahaysa uguttam madudda. Ken baaxol dibu ken cabeeniih; ken cattaah, ken ugussam matan.

Qaamus 5:5

Bersabaq fanah qibaadah magexina. Beetal magaalal kaadu qibaada maabina. Macaay inteenik, Beetal foyyâ magaala akkele. Gilgal kaadu magexinaay, Gilgal magaalal dabqih yan mara seewah beelon› iyya» 'yaanam iyye.

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Xafanya 1:5

Qarwah amol gacca 'yeh, ayro kee alsa kee cutuuka yaqbude mara bayseyyo. Yoo yaqbudeeh, yi migaaqal xiibitak wadir, yok kalah Milkom deqsitta duyye yaqbude maray too duyyeh migaaqal xiibitahiyya bayseyyo.