Qaamus 8:10 - NABUWWA KEE MALIKWA

¹⁰ Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Qaamus 8:10 Iomraidhean Croise

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 48:37

Yakkeenimik amo kee deben isinnik mooleenih, xagar kaadu isinnik toobiyeeniih, sartanah *qabuudut gacen.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Yacedkel 7:2

«Bani-adantow, yoo YALLAY Mulki lehiyya Israayil rasih giddinaamak iyyam ankacis: Ken ellecabo xayih! Inkih tan baaxoh baati edde takku wayta wakti xayyooweh yan» yok iyye.

Hosiqa 2:11

Kulli alsih bilooy kulli sabtih diini migaaqal abta qiid kee gersi qiiditte abta farcat ahaysa teetik raaqiseyyo.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.

Ayyuqel 1:8

Baqli akak rabe qibnah innah, boogisaay rookâ-sartan sarita.

Qaamus 5:21

«YALLI iyyamaa, ‹Sanatal abtan qiid siinik inkinnah faxah maan. Diini migaaqal abtan modod yol sakkih yan.

Qaamus 5:23

Yoh abtan saare wonnah yok beya; aabbem mafaxak. Kirar aagaruk yoh abtan saare siinik maraabita.

Qaamus 8:3

« ‹Yi cokmih ayro, malik qarih addal yakke saxxaq, weeqa keenil akkele. Mango marih ginaada kulli aracal qangalaylut raaqele. Raysitte kulli ikkel mamaxxaage sinnim qidimih sugele›. Tah intam YALLAY Mulki lehiyya.

Naacum 1:10

Isin yiskire maraw, kafte qayso kee ittat culah yan keenaanit gexxa girah innah cararetton.

Zakariyya 12:10

«Dawuduk rade mara kee Yarusalaam marat racmatta tacee roocaaniyya heeyyo. Dooqa ken absissa roocaaniyya keenit heeyyo. Yooy mudeenihiyya wagtoonu waan waqdi, inki baxa xale num woo baxih rabah rookah yassaalle'nna assaallelon. Naharsi-baxi akak rabe num kaxxa weeqah elle weeqa'nnal weeqelon.