Qaamus 7:2 - NABUWWA KEE MALIKWA

² Too qanayti too baaxol ubukku 'teh anxaxxowwa 'tam inkih selli haam uble. Toh uble waqdi, dooqa abeeh exceemih, ‹YALLAW, Mulki le Dageltaw, ummat bahte dambik qafu keenih ab. Israayil ku ummataay; dago mara kinnoonuuh; tohuk gexxaamah ahak elle raaqan inna maloonuk, qafu keenih ab› 'yaanam dooqah exce.

Qaamus 7:2 Iomraidhean Croise

Yasaqya 37:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab› » 'yaanam farmoh kaah ruube.

Yasaqya 51:19

Kaxxa bala siinil obte. Baaxo siinik carbit baate; ummatta siinik qulul kee carbit tembexe. Takkay immay siinil yamaateeh taqdiyya siinih gacsa mari mayan.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Yacedkel 11:13

Anu too farmo keenih warsa waqdi, Falatya baaxol dub iyyeh rabeh. Anu kaadu baaxok bagul gomboh radeeh, «YALLAW, Mulki le Dageltaw, Israayilik raqte saabo inkih selta'nnaa?» axcuk anay fayya haak yaabe.

Yacedkel 9:8

Qidimih gaba heen waqdi, anu dibuk wokkel sugeeh; too waqdi baaxok bagul gomboh radda exceh deero abe. «YALLAW, Mulki le Dageltaw, Yarusalaamah abta bagcarrat Israayil ummatak raqte saabo seltaa?» exce.

Daaniyel 9:19

Goytaw, innam nek oobbey! Goytaw, qafu neh ab; nee fan haysit; tibba nek maxcin. Yi Dageltaw, atu Yalla kinnitom kulli num yaaxige'gidih, a dooqa xayuk ugdub. A magaala kee a mari inkih kuumu» axcuk dooqa abe.

Ayyuqel 2:17

Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.

Qaamus 4:9

«Tooboke daroy orobe'kah tanihiyyat kaxxa caacoy kafissu waytahiyya ruube. Kudaaray yoobokehiyya kee qinab xaylo kafissa heeh; *daytuun kee *sublat inkih qanaytu ruubeeh too qanayti selli hee. Takkay immay tah inkih abalih yol maaduurinniton.

Qaamus 7:5

Too waqdi dooqa abeeh, dooqah excemii, ‹YALLAW, Mulki le Dageltaw, ku maganah a gira bargus. Israayil ku ummataay dago mara kinnoonuuh; tohuk gexxaamah ahak elle raaqan inna maloonuk, a gira keenik bargus› 'yaanam exce.

Zakariyya 4:10

Taway fan aben qarih xisne qunxa intit maballina. Darabbabel xisne makot tanim kee ane waytam elle yaaxigen akat gabat luk yabloonu waan waqdi, ruffa axcelon» 'yaanam yok iyye. «A malcina faanus, Yallih malcina intiy a addunyal tikka tam edde yablehiyya» yok iyye.