Qaamus 7:16 - NABUWWA KEE MALIKWA

¹⁶ «Tonna'mmay taway kaadu YALLI iyyem koh warisu waak yoo oobbey. Atu, ‹Iscaakak rade marah isih tuble sirri mawarsinaay, Israayil ummatat takku waytaamat mayaabin› yok inte'mmay,

Qaamus 7:16 Iomraidhean Croise

1 Malikwa 13:1

Malik-Yarobqam, Beetal deqsitta magaalal sadgat-elle-aban-aracal qaydarus qeerisa'gidih soolol yan waqdi, Yuudâ-baaxok-yemeete-nabi, YALLI kaak elle iyye innal, yemeete.

1 Malikwa 22:19

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migda kee gurak kaa maraasiyot kaa abbaxih ubleh eneeh;

2 Malikwa 14:24

Takkay immay usuk kaadu YALLAL dambi lem baaheeh; kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Yacedkel 13:2

«Bani-adantow, a isi amok eyyeqqa heeh, ‹Nanu wacyi nuble› iyya maray nabuwwa akak iyyaanak intaamah, ‹YALLI siinik iyyam oobbeya› keenik inxic.

Yacedkel 16:35

«Tonna'mmay Yarusalaam kacbay, YALLI kok iyyam oobbey.

Yacedkel 20:46

«Bani-adantow, gabbi-qaxa wagga heey; gabbi-qaxat takku waytaamat yab. Gabbi-qaxat raqta garbot takku waytam waris.

Yacedkel 21:2

«Bani-adantow, Yarusalaam ummat qibaada elle abta aroocat takku waytaamat yab. Yoo YALLAY Mulki lehiyya axcem keenih waris; Israayil rasuh garci kal.

Qaamus 2:12

« ‹Takkay immay Qahdi culeena yekke mara qinabak bicsen kamri tefqeeniih; nabuwwak, Yallih farmo neh mawarisina 'yaanam inten.

Qaamus 7:13

Takkay immay Beetal malik qibaada elle abaah, ummat dooqa elle abta qari kinnuk, tahaysa tokkel sirri uble 'yaanam maxcin» 'yaanam iyye.

Miika 2:6

«Isin ahaysa, a geysiisih mataqbina› yok iyya mari yan. «Yalli qaybik nee maqidak, ahamat mayaabin» yok iyyan.

1 Samuwel 15:16

Samuwel, ‹Kalay tibba 'xic; woo yab hinnak. YALLI bir yok iyyem koh warisu waak, oobbey» kaak iyye. Saawul, «Yoh waris hay» iyye.