Qaamus 7:15 - NABUWWA KEE MALIKWA

¹⁵ Takkay immay illi elle duwak suge ikkek YALLI isih yoh secca 'yeh, ‹Gexay ama table sirri Israayil ummatah waris› yok iyye.

Qaamus 7:15 Iomraidhean Croise

2 Samuwel 7:8

«Tonna'mmay taway yi naqasu Dawuduk intaamah, ‹YALLAY Nabaamak Nabahiyya kok iyyaamah, Edde sugte illi duwak kalla koo heeh, Israayil ummattak inkih abba koo abe.

1 Malikwa 19:19

Tohuk lakal Eliyyas gexeeh, sarrak Eliisaq namma awuruy *madmad edde yanihiyyat abquruk kaah suge. Kaa'lih kaadu *madmadat tittat yoxeen awurwak labaatanna kee namma awuruy nammay nammayah axawah tittat yanihiyyat baaxo yabqure mari yen. Usukuuy salafat keenik tan namma awurut abquruk yen. Sarra Eliyyas saro isik kalla heeh Eliisaqal hee.

Ermiyaas 1:7

Takkay immay YALLI yok iyyeemih, ‹Qunxa num kinniyo 'yaanam maxcinay, koo elle ruuba mara fan gexettooh; anu kok axcem keenih warsetto.

Ermiyaas 26:12

Too waqdi Ermiyaas too yaabal gacsemii, «A Qibaadah-Qari kee a magaalah giddinaamak siinih warissa heem inkih YALLI yok inxica iyyeemi.

Qaamus 3:8

Lubak gardam yaabbe way meysite waa num mayan. YALLAY Mulki le yaabe waqdi, kaak yoobbem ummatah warse waa nabi mayan» 'yaanam iyye.

1 Samuwel 10:11

Duma kaa aaxaguk yen mari, ah abah kaa yublen waqdi, «Kees baxat tekkem macaa? Labhay, Saawuluuy kinni way nabi yekke kunna!» tittak iyyen.