Qaamus 7:13 - NABUWWA KEE MALIKWA

¹³ Takkay immay Beetal malik qibaada elle abaah, ummat dooqa elle abta qari kinnuk, tahaysa tokkel sirri uble 'yaanam maxcin» 'yaanam iyye.

Qaamus 7:13 Iomraidhean Croise

1 Malikwa 12:29

Too namma daheltih ceeloy bicsehiyyak tiyak teena Beetal deqsita aracal heeh, akittu Daan deqsita aracal hee.

1 Malikwa 12:32

Too maray seeka akak iyyaanahiyya kaadu Beetal-magaalal hee. Yuudâ-rasul abak sugen qiidih gurral, sanatak bacarhaytoh alsak taban kee konoyhaytoh ayrot qiidih edde asan ayro doore. Beetal deqsita aracal isih bicse daheltih ceeloh, sadgat-arac bicissa heeh, sadgat akah abe.

1 Malikwa 13:1

Malik-Yarobqam, Beetal deqsitta magaalal sadgat-elle-aban-aracal qaydarus qeerisa'gidih soolol yan waqdi, Yuudâ-baaxok-yemeete-nabi, YALLI kaak elle iyye innal, yemeete.

2 Malikwa 14:24

Takkay immay usuk kaadu YALLAL dambi lem baaheeh; kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Ermiyaas 26:9

YALLI, ‹A Qibaadah-Qarik Siilok abem abeyyo› iyyeeh, ‹A magaala num dabaaqah elle gace waa abur abeyyo› iyye; akah intem macaay?» axcuk, yakkeenimiik kaa dadhen.

Qaamus 2:12

« ‹Takkay immay Qahdi culeena yekke mara qinabak bicsen kamri tefqeeniih; nabuwwak, Yallih farmo neh mawarisina 'yaanam inten.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Qaamus 5:5

Bersabaq fanah qibaadah magexina. Beetal magaalal kaadu qibaada maabina. Macaay inteenik, Beetal foyyâ magaala akkele. Gilgal kaadu magexinaay, Gilgal magaalal dabqih yan mara seewah beelon› iyya» 'yaanam iyye.

Qaamus 7:16

«Tonna'mmay taway kaadu YALLI iyyem koh warisu waak yoo oobbey. Atu, ‹Iscaakak rade marah isih tuble sirri mawarsinaay, Israayil ummatat takku waytaamat mayaabin› yok inte'mmay,

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.