Qaamus 7:12 - NABUWWA KEE MALIKWA

¹² Sarrak too sek Qaamusuk iyyemii, «Ahaysa sirri yable numow, abtem koo xiqtahak idiy. Faxxek, Yuudâ baaxo fanah gexay, ama table sirri wokkel waris. Maaqok woo mari koo adoobisay.

Qaamus 7:12 Iomraidhean Croise

2 Aydaad 16:10

Malik Aasa toh kaak iyye waqdi, nabam yinqibeh. Too waqdi, «Silsilatat kaa uxuya» iyyeeh kaa casbiseh. Too ayrok wadir sinaamak garabal umam baaha num yekke.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Yasaqya 56:11

Maaqok cayye sinni kuutah gide. A marih-loynitte kas maliiy tut maradda. Kulli num isit amqinnaanim keenik aba. Bukko kee guqulul adoobitan.

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Qaamus 2:12

« ‹Takkay immay Qahdi culeena yekke mara qinabak bicsen kamri tefqeeniih; nabuwwak, Yallih farmo neh mawarisina 'yaanam inten.

Qaamus 7:11

Qaamus, ‹Yarobqam carbit rabeleeh, Israayil ummat carbit xabba heenih seewah beelon› 'yaanam iyya» inta farmo kaah ruube.

Malaaki 1:10

YALLAY Nabaamak Nabahiyya iyyeemih, «Yoh sadgat elle abtan aracal tu xiqe sinni gira urussaanamak, gira akah uruse waytan innah, qibaadah qarih afoofi siinik alfa num geenniyoy faxe raare. Isin abtaanam ruffu yoo mahaytaay; sin sadgat moggola.

1 Samuwel 2:36

Kok rade marak saaboh raaqinnaan mari a seekiy anu dooru waahiyyah durruyyatal lakqo kee maaqô-kallacih gexele. «Labhay, maaqô-gide edde geyna taamat nee haa; sin akdumennok», axcuk ken kallacelon 'yaanam kok axce› » kaak iyye.

1 Samuwel 9:9

«Ah meqe yaabak, nee bey hay» iyye. Too waqdi woo Yallih num elle yani'kke fan gexen. Woo magaala elle tan koomah amo awaquk sugen waqdi, lee baaha'gidih gexa baxuw keenit yongoorowe. Woo baxuuwuk, «Tu-yaaxigi magaalal elle yanii?» iyyen. Woo dabaanal Israayil baaxol nabik ‹Tu-yaaxigi› axcuk yeneenih, num Yallal tuk teena esseram faxek, ‹Tu-yaaxigil nee bey› axcuk yenen.