Qaamus 6:8 - NABUWWA KEE MALIKWA

⁸ Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Qaamus 6:8 Iomraidhean Croise

Yasaqya 28:1

Efrayimih yooboke maraw, kamri taaqube sakaareenow, able liton; woyyow axcetton. Amo elle miqiton magaala, qobooruk bicisen kalabtaay; elle kaxxiinittaanam teeti. Woyyow, teetit takku waytaamow! Niqmatak tan kayrih tan golok daga raqta magaala siinik birroh innah laqaymuumele. Qaxa liton bilqa litoonuh immay bayettoonum digga le.

Ermiyaas 12:8

Inni maray innih doorehiyya a saaku yi naqboytiitik maacisen. Garboh addat suge lubak yol yekkeeniih, tohuk gexxaamah yi naqabu yussukuqen.

Ermiyaas 22:14

«Dabqah elle gaca'gidih kaxxa qari xissiteyyo. Amol akak kaxxam naba roosan xiseyyo. Bagu naba taagoota edde heeyyo. Adda akak qaxmeqe luucaanay sariidak bicissa heeh, bagu akak qasa kalamat askuteyyo» iyya numow, kum tekkeh!

Ermiyaas 22:5

Takkay immay yi amri oggole wayteenik, malik-qari abuur abeyyoomuh inni migaaqal siinih xiibita. Tahat yabtam yoo YALLA› 'yaanam siinik iyya.

Ermiyaas 44:26

Duudusa'mmay, Masril yan Yuudâ-maraw, toh abteenik, anu siinik abeyyom siinih warisu waa. Masri addal enna 'ya Yuudâ-marak tahak wadir, Waara YALLAY Mulki lehiyya, axcuk yol xiibita num cabe waamah, inni migaaqay nabahiyyal siinih xiibita.

Ermiyaas 49:13

Bosrâ-magaalat baati akkeleemih inni migaaqal xiibita. Umâ-yabulih tanim teetit akkeleeh, num sinniih lac sinni abuuruh raaqele. Sahda teetil anqaasele. ‹Bosrat tekkem siinit takkay› axcuk abaaroh tet haysitelon. Tet dariifal tan gaandoodi abur akkele. Kulli waqdi abuuruh raaqele. Tahat yabtam yoo YALLA» 'yaanam iyye.

Ermiyaas 51:14

YALLAY Nabaamak Nabahiyya isi migaaqal xiibiteeh, iyyemii, «Baabelon rasow, mangah qanayti innah ixxima akak amixxige waa mara baaxot siinik ruubeyyo. Too mari qanayti innah inkih yan Baabelon rasu bulla heele; Baabelon ken gubat gacteemih qililiselon» 'yaanam iyye.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Hosiqa 11:6

Magaalooli keenik carbit bayele. Magaaloolih afoofi keenik carbit addigillele. Yi mari yoo cineh isit celtem abeeh; tohih sabbatah carbit ken bayseyyo.

Qaamus 3:10

YALLI iyyamaa, «Numma akak inxicca 'yaanamak, isinni yeyxeere mara kinnon. Marin im dulmi kee qandet beyaanaah isinnih haysitan. Edde yaddereenim, marin imi.

Qaamus 3:11

Too umaane kee baatiliy oson abaanahiyyak gexxaamah, qaduwwi baaxo keenik marot heeleeh, naqboyti culaamak magaaloolit maroh sugte gasoosa butukka keenik heeh qarwa keenik buubele. Tah intam yooy YALLAY Mulki le kinni.

Qaamus 4:2

Tohuk gexxaamah, YALLAY Mulki leeh *taahirik yanihiyya siinik iyyamaa: ‹Sanat santiita siinik hayya heenih, gillaabat badak addak yayyaaqen kulluumih innah, sin giitak beyoonu waan ayroora amaatelem ixiga.

Qaamus 5:21

«YALLI iyyamaa, ‹Sanatal abtan qiid siinik inkinnah faxah maan. Diini migaaqal abtan modod yol sakkih yan.

Qaamus 8:3

« ‹Yi cokmih ayro, malik qarih addal yakke saxxaq, weeqa keenil akkele. Mango marih ginaada kulli aracal qangalaylut raaqele. Raysitte kulli ikkel mamaxxaage sinnim qidimih sugele›. Tah intam YALLAY Mulki lehiyya.

Qaamus 8:7

«Tohuk gexxaamah, YALLAY Yaqkuubuk-rade-mari-yassakaxxehiyya isi migaaqal xiibiteeh, iyyemii, ‹Sin taama aaxigeeh, mahawweena.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.