Qaamus 5:8 - NABUWWA KEE MALIKWA

^8-9 «Adal deqsitta cutuuka gintem YALLAAY; Malcino qaran bagul haytem kaa. Bartî lakal saaku gintaah, maaci lakal bar gintam kaa. Baddi lee qaran eyyeqqa hayteeh, wadir baaxol tet oobissam kaa. Cayla-leela bayissaah; reebuh lon gasoosa taggilem kaa. Toh YALLA kinnim ixiga.

Qaamus 5:8 Iomraidhean Croise

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 59:10

inti maleelah innah tataf inna. Kaxxa laqo, bari yekkeh innah, nandafoofole. Mango celeema fanat, rabe marih innah boolatne.

Ermiyaas 16:21

Too waqdi YALLI iyyemii, «Hay tonnal, a mari sarrah yi xiq kee yi cayla yeexegeenih akah raaqan innah, YALLA kinniyom ken aybulleeyyo» iyye.

Ermiyaas 33:2

«Ko'lih yabtam, YALLAY addunya gineeh tet missoyseeh tet daabisehiyya kinni. Yi migaq YALLA.

Qaamus 4:13

Qaleela tuklukeeh, silaytu gintem, YALLAY Nabaamak Naba Dagelta kinnihiyya. Sahdayti rooci ginteeh; abu waam sahdaytuh warissam kaa. Ayrô-diifuk ditel korissam kaa. Baadal inkih mulki lem kaa. YALLAY Nabaamak Naba Dagelta kinni abam cubbusa!

Qaamus 8:9

Yi cokmih ayro, laqo ayro suteleeh, wallaqenta baaxol dite qideyyo. Tah intam YALLAY Mulki lehiyya.

Qaamus 9:6

YALLI isi dabaq qaraanal hee. Baaxok dagal hawa xiseeh, daabiseh. Baddi lee qaran eyyeqqa hayteeh, wadir baaxol tet oobissam kaa. Toh inkih abtam YALLA kinnim ixiga.