Qaamus 5:6 - NABUWWA KEE MALIKWA

⁶ Qaamus iyyemii, «Maabinay YALLAL uduura. YALLAL tuduureenik, mano geetton. Toh cinteenik, Israayil ummatal Yalli, giray sahda takmehiyya siinil akkele. Beetal magaalal yan mari girat laqlaqimele. Woo gira keenih bargusa mara mageyan.

Qaamus 5:6 Iomraidhean Croise

2 Samuwel 19:20

Yi amoytaw, dambi lem baahem innik eexegeeh; a saaku kilbat le kabut raqta kedooday Yuusuf xaqut tanihiyyak naharat kot matra'gidih akah emeetem, tohu» iyye.

1 Malikwa 11:28

Yarobqam furraynuy taamak taqabe sinnih sinaamak addak inti edde raddahiyya kinnim yuble. Too waqdi Manasse kee Efrayim kedoh rasul, tamsissa haan marak inkih abba kaa abe.

2 Aydaad 34:25

Kalah kaak intaanamahaa, ‹Toh akah abu waam, oson yoo cineeniih, xeet kee cooxuk isinni gabak bicsen duyye yaqbudeeniih; anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

Yasaqya 55:6

Uxih kaa geettoonuk, YALLAL uduura! Away garit siinik yanik, catoh kaah seeca!

Ermiyaas 38:20

Too waqdi Ermiyaas kaak iyyeemih, «Ken gabal koo mahaan. Koo kallacu waak, ku maganah, YALLI amri macinin. Tonnal kullim kol amqeleeh, rooci kok cattiimele.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 21:3

Intaamah: YALLI, ‹Anu naqboytah kok aniih, seef sibak siibeh kol aniih; gitat yan mara kee umeynit tittak baxse'kal filla keenik kaleyyo.

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yacedkel 37:19

keenik intaamah: YALLAY Mulki lehiyya iyyaamah, ‹Yuusuf-Efrayim migaq elle yan caxxa, Yuuda migaq elle yan caxxa lih haam faxa. A namma caxxa tittat gaadissa heeh inki caxxah gacissa heeh inni gabat heeyyo› keenik inxic.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Qaamus 5:14

«Nummâ manoh xintaana'gidih, meqeemik sah umam maabina. Toh abteenik, away isin elle intan inna, YALLAY Nabaamak Naba Dagelta kinnihiyya nummah sin lih anele.

Qaamus 5:4

«YALLI Israayil ummatak iyyamaa, ‹Yol uduura. Yol tuduureenik, mano geetton.

Qaamus 6:6

Qinabak bicsen kamri kobbaayatal mataaqubaanay buxux le kaxxa sacanil taaquben. Sukutik meqe sukutit isinni taskuten. Takkay immay Israayil ummat edde tan biyak siinih mayambullaay, akah mabiyaakittan. Tamahak gexxaamah, siinit takku waytam umaamaay abletton!

Xafanya 2:3

YALLI aba iyyem abaah, kaal kibaal haa maraw, YALLA aqbuda. Cakkik tanim abaay, YALLAH uqunxuya. Toh abteenik, YALLI bagcarrita saaku digaalak cattintaanam takkeh.

Zakariyya 10:6

«Yuudâ mara maqar bahsiiseyyo. Israayil ummat umaanek cateyyo. Keenih xuwaawaah; tohih sabbatah ken baaxo ken gacseyyo. Duma keenil baahem edde hawwenna haan maqaane keenih abeyyo. YALLAY ken Dageltah yanihiyya kinniyooh; yoo fanah aban dooqa keenih oggoleyyo.