Qaamus 5:17 - NABUWWA KEE MALIKWA

¹⁷ Qinab elle aysubukuk yenen baaxol ummat weeqat sugele. Ah siinit akah takkem, anu sin digaala'gidih sin adda gace waqdi. Toh intem YALLA» keenik iyye.

Qaamus 5:17 Iomraidhean Croise

Yasaqya 16:10

Mangom elle aabakuk ten baaxoh mari ruffa lem mali. Qinab elle aabakuk yen baaxoh mari gad abtam mali. Kamri akak bicsoonuh edde yaaqiten qinab mayana. Anu, oson wallitak abak yenen waxxaqto tibba hee.

Ermiyaas 48:33

Mooyab rasuy niqmatak yanihiyyal, Mooyab mari abak suge farcat kee raacat gaba kaleh. A saaku anu kamri-bicsiyyak ken kaleh; qinabak kamri bicsaah, farcatah gad abak yen mari mayanaay; gad elle abak sugen ikkel, rookat yanin.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Naacum 1:12

YALLI isi ummatak iyyaamah: «Assuuriyah mari celeema kinnoonuuh, manga loonuh immay bayeloonuuh; suge weenih innah ken bayseyyo. Yi ummatey, sin biyaakeh immay ahaysa sin mabiyaaka.

Naacum 1:15

Naacum iyyeemih, «Wagitaay woo qaleelah kabuk, meqe xaagu gabat le farmoyti yamaateh yan! Wagari geytimem yaysaabbem faxa. Yuudâ-maraw, ifricay qiidih asaay, Yallah culten nadri ucuya. Sin naqboytiitiy umeynitih sugehiyya yembexeeh; ahaysa sin baaxo siinik beytam matana; ken inkitanuuk bayseh ikkal» iyye.

Zakariyya 9:8

Inni baaxo innih dacriseyyooh; qaskar mattaaqatta akki tet mahaa. Ahaysa inni mara racmatta sinni abbobtih gabat biyaaki mahaa. Yi mari biyaakak abeh gide ubleh an» 'yaanam iyye.