Qaamus 5:15 - NABUWWA KEE MALIKWA

¹⁵ Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.

Qaamus 5:15 Iomraidhean Croise

2 Samuwel 16:12

YALLI yot tekke umaane yubleh, a umaaneh aftok maqaane yol oobisam takkeh» keenik iyye.

1 Malikwa 20:31

Too waqdi kay qaskarih-abbobti kaal gexxeh kaak intemii, «Israayil-mari-le-malikwa racmatta le 'yaanam noobbeh nanik, *qabuudu axcal ninnik uxuyyaay akoota ninnik fillat uxuyya hayneh, Israayil-malikil genxa'gidih idni neh ucuy; tonnal koo qide waam takkehik» kaak iyyen.

2 Malikwa 13:7

Yowaahad qaskarak raqtem dibuk kontom qaskariitay faras amok qeebi aba kee, tabna gaariy faaris beyahiyya kee ibi qaskarak tabna alfih numuk ten. Wohuk fulah raqtem Suuriyah malik keenik selli heeh, keenit ballaaqet akah yaaqiten innah aaqatuk suge.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 19:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab» 'yaanam farmoh kaah ruube.

Ermiyaas 18:8

Sarrak woo mari woo umaaney edde sugehiyyak yuduure kaa tekkek, anu kaadu exceemik aduureyyooh, abeyyo exceemik raaqeyyo.

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 31:7

YALLI kaadu iyyemii, «Israayiliy doolatwak inkih nabahiyyah qililisa. Qililisak abtan saare fayya haak aba. Anay fayya haak, ‹YALLAW, isi ummatta wad. Israayil ummatak raqte saabo cat› axcuk kaa faylisa.

Yacedkel 45:9

YALLAY Mulki lehiyya iyyeemih, «Israayil abbobtiy, isin mango dambit assen. Ahaysa sinaamal baatil baahaanam kee xukkutaanam cabtaanama. Cakki kee qadlih tanim aba. Tahak wadir yi mara le baaxok ayyaaqe waytaanama. Tahat sin lih yabtam yoo YALLAY Mulki lehiyya.

Daaniyel 2:49

Daaniyel malikik, «Sadrak kee Meesak kee Qabednago deqsita mara, Baabelon-rakaakayih caagiidah abbobti ken aba» iyyeeh, malik toh abe. Daaniyelih tu gactek, malik-qaril elle raaqe.

Ayyuqel 2:14

YALLAY sin Dagelta kinnihiyya siinih loowe digaalak yaduurem takkeh. Orbissan murtit barkat heeh, yaymaggem takkeh. Too saaku kamadi kee qinabak bicsen kamri sadgatah YALLAH aceetton.

Qaamus 5:10

«Cokmi maroh addal, ceele-wayti yassacakke mara tanqibeeniih, nummat yaaba mara tablen waqdi sakkittaanah!

Qaamus 5:24

Toh cabba haay qadaalat le taamah taamita. Cakkik tanim aba. Cakki baatam hinnaay; kulli way darah gexxa leeh inna.

Qaamus 5:6

Qaamus iyyemii, «Maabinay YALLAL uduura. YALLAL tuduureenik, mano geetton. Toh cinteenik, Israayil ummatal Yalli, giray sahda takmehiyya siinil akkele. Beetal magaalal yan mari girat laqlaqimele. Woo gira keenih bargusa mara mageyan.

Qaamus 6:12

«Faaris booloh amol yardem mabicta. Bad awurwat yabqureenim mabicta. Hay, isin qadaalat summi celsissan; qado-numma qeero le intan.

Qaamus 7:3

«Too waqdi YALLI keenih racmateeh, keenil ruube raare bala matakka iyye. Yok kaadu, ‹Ama qanaytuy tublehiyya keenit maruuba› 'yaanam iyye.

Yoonas 1:6

Doonik beya num kaal yemeeteeh, annah kaak iyye, «Away mannal xintaah? Ugutay isi yalla kallac. Ku yalli neh xuwaaweh rooci nek catam takkehik» iyye.

Yoonas 3:9

Tonnal Yalli bagcarra cabba heeh neh racmatak xuwaawam takkeh. Tonnal kaadu rabak cattiimenno» iyye.

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Miika 3:2

meqem niqbaah, umam kicna mara tekken. Yi marak arab nuwwih tayyaaqeeniih, lafâ bagul tan cado keenik kaltan.

Miika 5:3

Barra lab-baxa xaltam fanah, YALLI isi marat darre cabele. Tohuk lakal marin baaxol keenik yan mari isi baaxo fanah aduureleeh, isi marat angalele.

Xafanya 2:3

YALLI aba iyyem abaah, kaal kibaal haa maraw, YALLA aqbuda. Cakkik tanim abaay, YALLAH uqunxuya. Toh abteenik, YALLI bagcarrita saaku digaalak cattintaanam takkeh.

Malaaki 3:18

Tonnal anu uma maray yi yab cinahiyya kee meqe maray anu aba axcem abahiyya tittak ken elle baxsa'nna abletton» iyye.