Qaamus 5:12 - NABUWWA KEE MALIKWA

¹² Abtan umaane kee dambiy edde taniinihiyya siinik yemeggeh yanim digga haa. Meqe marih amot gactaanaah, xakaake ken kaltaanaah; guqul takmeeniih; masaakiina cakki waysissan.

Qaamus 5:12 Iomraidhean Croise

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Yasaqya 10:2

Tu maleelah le cakki mataaxigan. Ken cakki ken geyi mahaytan. Xukko elle tan marah cakki mabtan. Gubun kee qayxiixah im gita maliinot beytan.

Yasaqya 29:21

Cakki-bagul-yan-maral diraabah-sumaaqita-mari bayele. Cokmi-buxal, cakki-le-mara cakki-waysiisa-mara baati qambalta. Qellat-sinni-mara-cakki-gee-kala-mari bayele.

Yasaqya 33:15

Cakkit taamitaah nummat yaabaah, bukko kee rado niqbaah, guqul bee waah, sinam qidim kee umaaneh abittol malisa marat angale waah, umam abittot yan marat angale waa num fayya le arac geya. Reebuh, num aleele waa boolot gacele. Yakme maaqo kee yaaqube lee mawaa.

Yasaqya 47:9

Tama isin net matakka inteenim siinit akkeleeh, inki ayroh addat siinit akkele. Xaylo qunxih siinik rabeleeh, agbi siinik gubuunuh raaqele. Ramli qida kee ginnilil akah gexxaanamah, tah siinik raq lem hinna.

Yasaqya 5:23

Guqul taagah tablen umeynit gexxay intaanaah, qellat sinni mara cakki gee kaltan.

Yasaqya 66:18

«Anu sinam baguh tacsubem kee ken taama digga haa. Taway, baaxol enna 'ta ummatta inkih gaaboysu waa ayro xayih. Oson gaaboowan saaku, yi nabna takke gide ablelon.

Ermiyaas 29:23

Ellecabol keenit takku waytam tamahaay; tamah keenit akah takku waytam, oson edde asan kaxxa dambih sabbata. Cuggaaneh keenik yan marih agabu dalwisan. YALLI nek iyye axcuk, YALLI keenik axce weem diraabah sinaamal yaceen. Taham YALLI isih keenik yuble qaadaay isih keenil akah sumaaqita. Taham intam YALLA›» axcuk, warkatal kutbeh heeh ruube.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

Hosiqa 5:3

Israayil addal tekkem nagay aaxige. Israayil yok edde tambooqore'kke mali. Imaan keenik yeerreh yi qibaadah mabican. Nadaasa is abte» iyye.

Qaamus 2:16

Too ayroy sin digaalu waahiyya, carbil agiirah tan qaskar kinni-way, silaac baaxot qideenih aawwelon. Tahat yabtam yoo YALLA› 'yaanam iyya» iyye.

Qaamus 2:3

Mooyab rasuk abbah yan num kee baaxol tan makaabon qidsiiseyyo› iyya» 'yaanam iyye.

Qaamus 5:10

«Cokmi maroh addal, ceele-wayti yassacakke mara tanqibeeniih, nummat yaaba mara tablen waqdi sakkittaanah!

Qaamus 5:7

Cokmi makot beyaah, numma diraabat milaaga maraw, abletton.

Qaamus 8:4

«Tonna-leemiik, isin masaakiina yadlumeeh, tu-maleela baaxok yayyaaqem faxa maraw, a yab oobbeya.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Miika 7:3

Umam abittol ken celtam matan. Doolat saqolti kee cokmaaba guqul faxxaah, milki le mari faxxa heem aban. Yakkeenimiik sahdak aboonu waanamal malsitan. Isinnih faxaanamah sinam dirkisan.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Ruut 4:1

Booqas magaalah culmal daffeyna elle aban arac gexeeh, wokkel daffee. Too waqdi Alimelekik xayi ramadah yan numuy Booqas edde yaabeh sugehiyya wokke yemeete. Booqas kaa yuble waqdi, «Annah amey akkel daffey» kaak iyye. Too waqdi woo num yemeeteh wokkel daffee.

1 Samuwel 8:3

Tonna'mmay, oson isinni abbah gita kataata marak manannon. Lakqô-fayxi kaxxam luk yenen. Tonna-leemiik sahdak guqul beyak yeneeniih, ummattah yab gitah meklak manannon.