Qaamus 4:8 - NABUWWA KEE MALIKWA

⁸ Tohuk gexxaamah, mango magaaloolih mari kaxxa bakar ken yibbixe waqdi, lee elle geeloonum yekkelen magaala gexeeni'mmay, lee elle magennon. Toh inkih abalih yol maaduurinniton.

Qaamus 4:8 Iomraidhean Croise

1 Malikwa 18:5

Acab, Qobadyak annah iyye, «Gexay, qulul kee rabak ken catna'gidih, baakil kee faarisih qaysok tu geytam keh, buyyitte kee weeqayti dariifal gorrisey» iyye.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 3:7

Too uma-taamak lakal, yol aduureloonum akkaluk suge'mmay, yol maaduurinnon. Yuudâ-mari, anu Israayil mara xiiriyeeh; innik ken eyxeerem yubleenih. Ken akah eyxeerem, ken uma-taama kinnim yubleenih. Takkay immay keenik maysinnoonuuy, keenik kaxxih, uma-taama-leela yekken.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Hosiqa 11:5

Tohuh, yol aduure cineenih. Tohuk gexxaamah, Masri fan ken gacseyyo. Assuuriyah mari keenil ackumele.

Hosiqa 7:10

Israayil maral, loonuh yanin kaxxiina sumaaqitta. Mangom keenit tekke'mmay, tohuh, yooy YALLAAY keenik kaadu Dagelta kinnihiyyal maaduurinnon.

Qaamus 4:6

YALLI qagissa heeh iyyaamah, «Anu afah xagtan maaqo waysissa sin heeh, inkih tan magaaloolit siinik qulul ruube'mmay, toh ubulla hayteenih yol maaduurinniton.

Miika 6:14

Adoobittaanamah cayya m'intaanaay, satqa sin macabta. Abtaanam takkaleenim gabal siinik mabicta. Cattaanam takkalen duyye macattaanaay, carbit siinik bayseyyo.

Caggay 1:6

Buqreh mango daro qiddaanah, dagoom akak orbissan. Maaqo buxal allih, cayya akak mantan. Qinabak bicsen kamri geytaanah immay akak cayya mantan. Sartan litoonuh immay woo sartan waacak sin macata. Taamittaanah immay akak geytan lakqo booha lee giibit gacteh gide.

Caggay 2:17

Uysubukku hayteenim siinik baysa kaxxa caacay kee arroqle le rob siinil ruubeeh; darot dalka ruube'mmay, tohuh toobittoonu cinteenih.